九十後內地藝術家孫一鈿的幻想世界

因為同李永豪高調拍拖，而一度被公司雪藏嘅楊思琦，被解凍冇幾耐，最近又傳出佢喺拍新劇《翻叮一族》期間，與合演情侶嘅陳鍵鋒鬧不合，另有話佢喺劇中嘅戲份亦唔及唐詩詠，今趟可謂既被「降呢」之餘，又冇人緣。 日前，楊思琦同阿媽一齊喺旺角新世紀廣場shopping散心。當日，佢十分開胃，喺一間日本餐廳食極唔停，更不顧港姐儀態，大啖大啖係咁食，又不時同阿媽手指指細細聲，似乎有無盡嘅冤屈要吐出來。 食完飯之後，兩母女仲手蹺手到附近嘅一間水晶店睇手飾，甫進舖頭楊思琦兩眼發光，四圍走、四圍睇，之但係呢位慳妹最終都係空手而回。

第廿一屆十大傑出衣着人士頒獎典禮，於上星期四（十一月二十六日）喺The Mira Hong Kong舉行，十位得獎者湯唯、蔡卓妍、徐濠縈、阮經天、蘇永康、Bruce（李玟男友）、林保怡、羅盛德（張天愛丈夫），榮雪梅以及陳浥萍均盛裝出席。 現場衣香繽影、粒粒巨星，而向來衣着出眾，甚有型格的徐濠縈（阿徐）更是眾望所歸。不過，阿徐就覺得獎項是遲來的春天：「有好多人都以為我早已獲得呢個獎項。我着衫嘅心得係不斷嘗試，最緊要型，靚仲是其次！」 而獲獎的阮經天亦透露自己好懶出街去買衫，平時所穿的衣服亦是購自網上，但出席公開場合的造型則十分慎重，會先由造型師度身訂做，再交由老闆審核，亦會考慮撞衫問題。

香港著名靈異電台節目主持人潘紹聰，最近用咗大約兩個月嘅時間，去創作咗一副名為香港直覺嘅塔羅牌。呢副牌一共有六十六張，潘紹聰話人生六六無窮，所以用六十六張嚟做副牌嘅數目最好不過，而呢副牌嘅圖案亦有別於一般嘅塔羅牌，因為每張牌並唔係用一啲公仔圖案來代表，而係換上咗富有香港特色嘅景點。 潘紹聰希望每個人都能夠用自己嘅直覺嚟開竅，佢話呢副牌唔係我哋平時所諗嘅一般塔羅牌，唔係好神秘，亦唔需要得閒要同副牌傾吓偈，亦無宗教上嘅儀式，只用自己嘅直覺去抽出牌，嗰隻牌就屬於你，人人都可以做塔羅師。呢副牌售價一百六十六元，收益會作慈善用途，大家既可以搵到人生指引又可同時做埋善事，何樂而不為。

第廿一屆十大傑出衣着人士頒獎典禮，於上星期四（十一月二十六日）喺The Mira Hong Kong舉行，十位得獎者湯唯、蔡卓妍、徐濠縈、阮經天、蘇永康、Bruce（李玟男友）、林保怡、羅盛德（張天愛丈夫），榮雪梅以及陳浥萍均盛裝出席。 現場衣香繽影、粒粒巨星，而向來衣着出眾，甚有型格的徐濠縈（阿徐）更是眾望所歸。不過，阿徐就覺得獎項是遲來的春天：「有好多人都以為我早已獲得呢個獎項。我着衫嘅心得係不斷嘗試，最緊要型，靚仲是其次！」 而獲獎的阮經天亦透露自己好懶出街去買衫，平時所穿的衣服亦是購自網上，但出席公開場合的造型則十分慎重，會先由造型師度身訂做，再交由老闆審核，亦會考慮撞衫問題。

2R嘅Race（黃婉佩）同家姐Rosanne（黃婉君）齊齊行桃花運，家姐Rosanne喺年底同拍拖多年嘅中英混血牙醫男友結婚，而同向佐蜜運緊嘅Race亦幸福滿瀉，雖然Race曾講過未有計劃同向佐結婚，因為佢非常享受家嘅拍拖生活。 早前Race為一個化妝品牌行騷，跟得男友向佐即使坐埋一面悶到發慌，一樣乖乖呆等女友，佢兩個半時行街畀人影到好似糖黐豆、連體嬰咁都仲未夠，就連Race開工，向佐一樣死跟，咁鬼恩愛，真係羨煞旁人。

資深著名演員陳鴻烈（烈哥），在十一月二十四日不幸離世，無綫上下藝員得知消息後都大表震驚，曾與烈哥共事過的同事，都表示他為人友善、隨和、工作又勤力，對後輩更是愛護有加；除了是一個大好人之外，更是一個不可多得的好戲之人。 曾與烈哥一起拍《畢打自己人》的陳茵媺，一提起烈哥更忍不住眼淚盈眶大讚：「佢係一個好多人鍾意嘅演員，帶咗好多歡樂畀香港人！」而陳敏之亦表示：「聽到消息，我好震驚！」 向來都好欣賞烈哥的馬浚偉則說：「佢係一個好鍾意做嘢嘅人！」另外，胡杏兒亦黯然指烈哥是一個很好的前輩。