《傑少煮意》上湯龍蝦伊麵

本周二(22日)崔建邦涉嫌打緋聞女友鄺敏慧「中巴」一事，即時成為城中熱話。 女方向傳媒哭訴，因男友風流及講大話而大感失望，故決定斬情絲，之後她因不肯刪除拍拖時的情話短訊及熱戀合照，而遭到男方叉頸推撞及大力打頭部一下。 女方力數男方，但男方未有就事件作出回應，但崔建邦人緣不錯，事發後，鄧紫棋G.E.M.就力撐崔建邦對她好好、陳柏宇大讚他待人nice、至於鍾舒漫和RubberBand就話希望事件及早平息。　

早前「亞洲遊戲展×香港網絡遊戲展2009」於會展舉行，不少人氣(口靚)模，如周秀娜、Lavina（鍾蕙芝）、Rainbow（胡心諾）、A. Lin （ 裴殷） 、趙碩之等都先後以遊戲代言人身份亮相遊戲展。 而她們更大多以性感打扮示人，周秀娜當日就谷胸以遊戲角色造型亮相，性感程度，令一眾男Fans忍不住叫囂。而Lavina 和Rainbow亦不甘示弱，二人穿著睡衣宣傳肖像牀上用品及月曆外，更派牛奶和三文治營養早餐給男Fans，男Fans大飽眼福之餘，仲可以有奶飲，都可以話係雙重享受。

早前有指佘詩曼同楊怡兩位無綫姐仔，為爭台慶獎項而傳出不和，之後楊怡攞到兩個獎，佘詩曼嘅「粉絲」又狂鬧楊怡得獎並唔係實至名歸，搞到滿城風雨。 不過早前當呢兩位姐仔一同出席太古城嘅一個公開活動時，在場嘅每一位觀眾都能夠睇到佢兩位非常老友，喺台上傾到雞啄唔斷，一啲都唔似有心病。 當日喺活動上佘詩曼同楊怡都腳踏馬戲團嘅大型道具現身太古城，同埋首次嚟香港演出嘅世界級雜技團Wonder World Entertainment（WWE）──同為表演揭開序幕。

《東周網》舉行的「官恩娜約你唱K，齊齊變巨聲」活動，讀者們都非常踴躍，而《東周網》就加碼，5位之外，再增添多5個名額，總共十位幸運兒，於本週日(20日)陪同超級靚聲官恩娜，到紅磡黃埔Yo Park唱K，名副其實多啲人多啲Fun。 當日活動於下午2時開始，但一眾讀者已經急不及待地，一早到場等待和偶像官恩娜一齊唱K一齊玩。官恩娜一到，讀者們亦按捺不住開心吶喊歡呼！兩個多小時的唱K聚會，官恩娜和十個讀者有說有笑外，更齊齊合唱、跳舞，玩至樂而忘返！

今年一眾「工展會小姐」候選佳麗，質素甚高，定必令一眾評判煩惱不堪。 而早前一眾「工展會小姐」更得到大會的安排，學習美容和美髮之道，近日大會又給她們買靚衫靚袋的機會，人靚、衫靚，即時Sharp上加Sharp！

今年香港電台的《第三十二屆十大中文金曲》活動，以「愛‧音樂」為主題，為了宣傳「愛」這個訊息，早前歌手林峯、陳柏宇、鍾舒漫、RubberBand和G.E.M.，就到一社區中心，和一班老人家度過，向他們送暖。 活動中，歌手們除了和長者玩遊戲、派禮物外，他們更即場獻技贈慶，林峯做倒豎葱、 鍾舒漫表演拱橋、RubberBand叠羅漢、陳柏宇就出口啜婆婆一啖，而G.E.M.就做一字馬。不過G.E.M.係就係成功做到一字馬，但之後她就狂嗌痛，仲話：「我諗我真係做一字馬，做到拗柴。」