好耐無介紹過澳門的茶餐廳——雖然據我理解，當地是沒有茶餐廳的，通常叫XXX咖啡美食，總之大家明就得，模式是有水吧沖咖啡奶茶、賣湯粉麵，以及各式炒、焗、燴的粉麵飯等。

我不是在澳門土生土長，一個桂枝仔，對當地老牌餐廳未必一一認識；偶然發現水準高的、一腔熱誠地向澳門朋友介紹，答案卻往往是「呢間舖頭開了好多年」，真係失禮死人。無論如何，有些朋友雖然知道這間店的歷史，但可能好耐無幫襯，亦未必知道招牌菜是甚麼，分享無妨。

近期我很喜歡到望廈「金富輪美食」用餐。據我老友肥仔俠提及，昔日他開設「新益美食」時，就是與「金富輪」共用一舖甚至店名，如今上網搜尋，仍可找到當年「金富輪新益美食」的介紹，直至後來搬舖兩店才分家各有各做。但講歷史，「金富輪」開得比較久，最起碼幾十年。

位於望廈巴士站的「金富輪」，以往與「新益美食」共用舖頭，搬舖後兩店才分家各有各做。講歷史「金富輪」開得比較久，最起碼幾十年。

舖頭面積算大，飯市期間店員不難替客人安排座位，但預了要搭枱。

第一次光顧「金富輪」是去年初。當時我在該店旁邊的美容中心工作，收工正值午膳時間，化妝師介紹說「旁邊間餐廳幾好食架，招牌菜乾炒牛河好夠鑊氣！」這種熱辣辣又香口的食物我最鍾意，立即走過去試，果然無介紹錯，似我兒時吃到的牛河味道；若果牛肉鬆肉粉下得少點，再加些豬油便完美。

自此之後，我瘋狂愛上到「金富輪」吃炒粉麵飯。乾炒牛河出色，另一熱氣菜式咖喱海鮮炒烏冬也非常好味。海鮮落得足料，蝦仁魚柳青口魷魚蟹柳等立立雜雜落齊；煙靭彈牙的讚岐烏冬掛上惹味的咖喱汁，令人食慾大振。美中不足是炒烏冬只落一個麵餅，男士或唔夠飽；要飽肚，可以考慮河粉落得較多的炒貴刁，與炒烏冬有異曲同功之妙。

乾炒牛河是該店招牌菜，讓我吃出兒時炒牛河味道；若果牛肉鬆肉粉下得少點，再加些豬油便完美。

另一熱氣菜式咖喱海鮮炒烏冬也非常好味。海鮮落得足料，蝦仁魚柳青口魷魚蟹柳等立立雜雜落齊；煙靭彈牙的讚岐烏冬掛上惹味咖喱汁，令人食慾大振。

除了炒粉麵，我亦十分欣賞該店的白汁焗海鮮飯。試過在香港點焗飯，雖然都係熱辣辣，但夠膽死個飯係無炒底，而且十分乾身；要知道點焗飯往往要等十五至二十分鐘才上桌，還上難吃的焗飯係白等兼且無癮。「金富輪」的白汁焗海鮮飯便沒有這問題，飯粒又熱又香又不乾，正！

「金富輪」不設晚市，除了光顧午餐外，有時我亦會到該店吃早餐。近年口味轉變，早餐由以往無「丁」不歡，變成對即食麵興趣愈來愈少，反而愛上吃通粉。有次早餐光顧，看見牆上貼有牛尾湯通粉的宣傳，點了一客沙嗲牛肉加太陽蛋通，牛尾濃湯無得頂，大大碗通粉亦很飽肚。如果嫌牛肉鬆肉粉太多，點雞絲通吧，我覺得比較可口。

我亦十分欣賞該店的白汁焗海鮮飯，飯粒又熱又香又不乾身，正！

近年口味轉變，早餐愛吃通粉。看見牆上貼有牛尾湯通粉的宣傳，點了一客沙嗲牛肉加太陽蛋通，牛尾濃湯無得頂，大大碗通粉亦很飽肚。

如果嫌牛肉鬆肉粉太多，點雞絲通吧，我覺得比較可口。

想吃得精緻點的早餐，亦可以考慮川芎白芷雞湯瀨。「金富輪」舖頭不遠處，就是賣雞湯瀨賣到出晒名的「師傅仔」，夠膽推出雞湯瀨爭客、確實夠吉士。我仔細試過，兩店出品味道很不同，我較喜歡「金富輪」，加入川芎白芷的濃湯充滿藥材空氣，滋補效果更明顯。光顧「金富輪」不久，可能有好多招牌菜當未試到，大家如有發現，請馬上告訴我。

川芎白芷雞湯瀨，湯底充滿藥材空氣，滋補感覺更明顯。

閱讀（7541）