因為怕麻煩﹐向來只係拎住同一個袋出街﹐casual又係佢﹐斯文又係佢﹐免得將D嘢搬來搬去﹐不單止會拎漏嘢﹐出門口前執一執﹐本來唔遲都變遲到。 為咗遷就以上問題﹐我每次買新袋時都盡量買D款式百搭嘅﹐以為自己好聰明。 點知一次响飛機雜誌上見倒呢種袋… 「蠢人!咁樣先叫聰明啊!」 呢種袋中袋响日本已經流行幾年﹐真係好方便﹐可以隨時換手袋﹐而且物件可有秩序地放入袋中﹐不會再像垃圾箱搵極搵唔倒嘢。有D尺碼細嘅仲可以抽出當小手袋﹐中午食飯時只帶手機銀包幾件簡單東西﹐真係解決咗好多問題﹐極之底讚! 最近俾我响街邊舖見到有呢種袋賣﹐推銷員話係日本水貨﹐幾十蚊有交易﹐雖然呢個唔知真定假﹐但好多OL見倒﹐一口氣買幾個﹐自己用不單止﹐仲話要送俾朋友﹐益埋大家。

閱讀（7844） 網誌分類: 生活