【你也可以做下一個林夕、黃偉文】 韋然

記得疫症前為一個長者團體的一群大哥哥大姐姐講一個填詞班，點知第一日就有一位大姐姐問我到底填詞要唔要學。

呢一個問題，真係你問我，我問邊個? 失驚無神，真係差哋俾佢考起。咁又係，我地認識嘅十大填詞人，又真係個個都冇學過填詞，甚至連我這一個掹車邊都幾乎唔到的填詞人，都冇正正式式的學過，膽粗粗就上陣。不過，如果有得學，梗係有得學好過冇得學，而且費用不過是兩杯咖啡的價錢，就可以幫你以最高速度晉身填詞界，好果好彩的話，分分鐘填番半首《大風吹》，唔夠六個月就係大中華地區就有成六、七億點擊率。

長者填詞班當日上課之時，我在第一日就推介了黃志華真師的0243填詞法。以數字填粵語詞，好多人填過，但黃志華老師聰明的用了0243作為旋律的顯影劑，讓唔讖樂譜的朋友，也可以輕輕鬆鬆以0243作文字代碼，依字畫葫蘆就可以填到一首諳音的歌詞，不失為一個簡易的填詞入門方法。可惜我當年為電視台填節目歌詞之時，黃志華尚推出0243一法，否則我就可以早一點領略箇中妙法，唔使走咁多寃枉路。

https://www.facebook.com/wcwah/posts/10158737268069405

閱讀（3666） 網誌分類: 生減感受