為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 17 日

66歲生日再玩社交平台 林青霞晒命式貼文分享幸福事

重新開通微博後,大美人急不及待晒命。

2011年,林青霞開通微博同Fans溝通,之後不時更新,唔算太密但過時過節自己生日都會Post吓嘢,不過14年12月25日Post完繼女邢嘉倩整嘅聖誕蛋撻後就再冇更新。

相隔六年,剛於11月3日度過66歲生日林青霞重回微博,回歸第一句就係,「開通了!MY GOD!大家好!」之後再貼文,「各位朋友久違了,總算又開通微博了,謝謝新浪網和理想國,現在又可跟大家分享我的感悟和心得了 ​​​​​​​​。」估計大美人唔記得微博密碼要搞一大輪先可以重新再玩,嗰句「總算」睇得佢鬆一口氣。

自14年12月25日後,林青霞就冇再更新微博。

之後林青霞在微博透露2020年送畀自己嘅生日禮物就係自己嘅新書《鏡前鏡後》,仲話好髙興大陸、香港同台灣都喺佢生日同時推出。 ​​​​然後又分享繼女邢嘉倩送畀佢嘅生日禮物,就係對方親手做咗一個木製書架賀大美人出書,仲放埋三本青霞嘅書《窗裏窗外》、《雲去雲來》及《鏡前鏡後》喺書架,另外24歲大女愛林就為媽媽將枱面放滿花,獲青霞大讚有心。

林青霞過咗一個超幸福的66歲生日。

繼女做咗一個木書架送畀青霞做生日禮物。

而早年不時傳出青霞同老公邢李源婚變,青霞在文中提到:「先生Michael 笑著對三個女兒説,『你媽寫了三本書,將來説不定拿個諾貝爾文學獎回來』。人家米蘭昆德拉九十多歲,寫那麼多經典小説都沒得獎,我拿什麼去得獎啊?不過既使是句玩笑話聽聽也開心。」青霞更透露4歲孫女為她炮製了蛋糕,祖孫三代齊齊慶生,字裡行間滲出超濃幸福感。

青霞一家五口,分別有71歲邢李㷧、32邢嘉倩、24歲邢愛林及19歲邢言愛。

林青霞仲有玩微博時都會Post生日相。