為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2020 年 11 月 18 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

天譽為青年建「輕」資產

上年曾與天譽置業(0059)管理層見面,對公司青創社區發展留有深刻印象。早排再見,了解到公司除為創客(Makers)打造社區,喺青年置業方面都絞盡腦汁,推出空間可以憑創意伸展嘅Loft系列,並指以「白菜價」賣畀青年,希望佢哋可以從低門檻購入「輕」資產,亦可以話係「輕」鬆置業。
天譽「出生」於廣州,生於斯,長於斯,目前仍然專注開發大灣區業務,並循序漸進向外拓展。公司於六月底持有十九個項目,總建築面積八百八十六萬平方米,遍及十二座城市,位於大灣區、華南、華東及西南地區。項目組合連同潛在土儲,建築面積達二千八百萬平米,其中包括同地方政府或協力廠商達成嘅多項合作協議。項目當中,天譽特別重視廣州市政府嘅舊區重建計劃,預計將帶來六百萬平米建築面積,公司更希望將佢打造成大灣區最大青創社區。
事實上,青創業務係天譽喺物業開發以外,多元化發展其中一個重心。二○一六年初,公司提出「天譽青年創業社區」發展策略,打造居住、生活及創業「三位一體」嘅創新產品。幾年來公司貫徹創意思維,將社區命名「魚先生的社區」,為青年提供時尚健康居住環境,輔以配套解決佢哋生活所需,更投資基建扶助產業發展,畀機會青年一圓創業夢,協助年輕人「創家業、創學業、創事業」。

天譽置業公司秘書黃天波(左)。

 


「魚先生」公寓係高度標準化嘅中小戶,對公司嚟講,呢類建設耗費最少建造時間,亦因為剛性需求強勁可以快速售出。更重要嘅係社區容易複製,可以為天譽快速開拓更多市場。而從政府角度,天譽可以幫助青年解決住屋及就業問題,並令城市面貌更年輕,為城市吸引和留住更多青年,從而帶動產業和消費升級,以及稅收增長。公司目標用十年將青創社區擴展至總建築面積七千五百萬平米,提供一百萬個住宅單位,商業網絡覆蓋逾一千萬青年用戶。
作為一個社會服務商,物業管理亦係重要一環。天譽成立於一九九六年,物管板塊則在○○年開創,屬於國家物業管理一級資質。沿襲公司嘅創意路線,物管部門先後推出一體化服務、酒店式服務、商業物業全程服務、管家服務、個性化服務、廿四小時綠色服務熱線等等,上半年物管服務收入大增八成二。
天譽〇六年港交所主板上市,其後先後獲納入MSCI中國小型股指數、富時全球新興房地產市場指數和恒生港股通中小型指數等。公司上半年合同銷售五十二億元(人民幣,下同),疫情下僅微跌百分之二點七,期內交付七個項目,面積三十七萬平米,平均售價由上年同期每平米七千元上升至一萬一千二百元,帶動總收入增長百分之四至逾三十八億;毛利及純利分別增長兩成半和兩成三。
我見到不少內房投身青創業務,問天譽會唔會擔心精心設計嘅營運模式會被抄襲,管理層好有信心咁回答:「一直被模仿,從未被超越」。我期望將來有機會到魚社區參觀下。