為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 11 月 21 日

全欣有妳 莫可欣

家家有本難唸的經,男神方中信太太、九三年港姐冠軍莫可欣(Hoyan)就感同身受。「好多人都話好佩服我,表面我老公係男神,好幸福,但係咪真係咁容易呢,其實自己都要付出好多o架!」
操一口流利德語的莫可欣,九三年由瑞士回流選港姐,並贏得冠軍。在娛樂圈五年,最大收穫是認識方中信,〇八年結婚生女,當全職媽媽。她坦言,女兒徹底改變了她和方中信的人生觀,「以前兩個人,無咩責任要負,有個女之後,一切都以家庭為先!」
轉眼間,女兒迦晴已經十二歲,這位幸福人母最近亦重出江湖,與友人於赤柱開「鬼口水」工作坊,雖然之前疫情嚴重,令舖頭生意大跌,但樂觀的她,對前景有信心。
由選美冠軍變家庭主婦,如今創業做老闆,都是受愛女啟發,難怪她笑言:「媽咪有今日,全因有妳!」

身形高挑的迦晴,似足媽咪莫可欣,一雙長腿甚為吸睛。

 

迦晴玩鬼口水的手法純熟,更啟發媽咪開舖創業。

 

我不是虎媽

當了全職媽媽近十年的莫可欣,去年初回歸職場,籌備開設「鬼口水」店舖事宜,五十一歲的她,坦言感到有點脫節,要追上步伐,亦需要一點時間。
「呢行同我以前做嘅嘢完全唔同,好在我有生物學底,知道呢啲『鬼口水』、化學嘢係咩東東,同埋有阿女幫手,小朋友嘢,佢最在行!」一邊說着,她一邊笑咪咪望着迦晴。
自今年初開始,疫情嚴重,一度令生意大跌,不過她並未灰心,「疫情係有影響,不過總會過去,o依家放寬咗,啲Party開始返番嚟,只要咬實牙關,一定可以撐過去!」
罕有地和女兒一起接受訪問的她笑言,工作坊的概念源於愛女。「大約兩年前,我發現屋企嘅日用品好似潤膚露、眼藥水同膠盆等突然唔見晒,阿女又叫我買膠水、硼砂,搞到屋企一盆二盆嘢,初初唔知佢搞咩,後來先知佢玩緊Slime。原來o依家好多細路鍾意玩,係個女啟發我,不如開間舖,俾多啲小朋友一齊玩!」兩母女如今攞正牌「親子樂」,母女感情更親厚。
她直言,方中信經常要中港兩邊飛拍戲,照顧女兒的責任,主要落在她身上,而媽咪的角色,就是需要催谷女兒學習。「我有俾佢學騎馬,之前校際比賽,佢攞到第五名,前四名都係鬼妹,成績唔錯啦!不過我比較擔心佢學業上有追唔上嘅地方,好在年年老師都話佢係模範學生,法文仲學得好好,係數學、國語要補習,要督促多啲囉。」
問莫可欣是不是虎媽,她即斷然否認︰「我覺得自己只係正常媽咪,佢舊時係學好多嘢,如學琴、學畫畫,到大個咗,就話唔鍾意學琴,考到三級之後都Cut咗,無謂迫,反而佢真係鍾意騎馬,咁就繼續學囉!」

女兒踏入青春期,雖有時會對媽咪黑面,但無損母女深厚感情。

 

一家人最喜歡去旅行,每年聖誕節和暑假都會去日本或歐洲度假。