為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2020 年 11 月 16 日

我的花花世界 李璧琦

追尋夢想,從來沒有年齡限制。
四十二歲的李璧琦(Becky),早前決定離開效力了十二年的TVB,沒有了遮蔭的大樹,但她也不是經不起風雨的小花。
「演戲、做主持好似愈做愈好,由始至終,我都係想做音樂,但呢兩樣嘢都同音樂無關。離開,我係想人哋諗起李璧琦,都會諗起係同音樂有關,於是我就跳出去,做自己想做嘅事。」
她的音樂造詣深厚,畢業於浸大音樂系,又考獲專業導師資格,既是藝人,也是聲樂導師,雖然際遇令她一度未能如計劃般,透過音階尋覓理想,但她視之為訓練,「TVB係一個訓練場,令我更加全面,就好似我周圍嘅繡球花,唔係得一朵花,而係有好多朵花仔,集合成為一大嚿花。
「我做主持、拍劇、拍電影、唱歌、VO⋯⋯如果就咁獨立睇每一朵花,都係比較平淡、普通;但將佢哋砌埋一齊,變成一朵繡球花,又幾燦爛喎,會想望耐啲喎。」
走在花花世界,不一定要紙醉金迷,踏實地走着走着,也許就如李璧琦一樣,走出自己的天地。

 

 

 

 

兜轉藝路

硬件所限,令高挑的李璧琦予人成熟、幹練的印象,事實是她把少女心隱藏得十分完美:自稱是紫色控的她,得知港島某大型商場有紫色花卉展,便提議:「如果可以去嗰度做訪問就好嘞!」願望滿足了,訪問時她的心心眼不缺,還出動私伙攝影機,狂拍珍藏。
堅強的外表下,李璧琦的心思十分敏感,源於十歲時的一次巨變。「嗰時爸爸、媽媽離婚,我唔知發生咩事,仲以為係因為我話要去海洋公園,令到佢哋嗌交⋯⋯自此我就唔鍾意笑。」
成長於單親家庭,又有深厚的音樂底子,驅使她於不同的校際音樂比賽中,尋找成功感。「當時我嘅夢想係做音樂劇,又參加好多校際比賽,因為我中學嘅早會上,老師會朗讀學生贏咗校外比賽嘅名單,聽到自己個名係咁出現,係開心嘅,但亦都令到我『睇唔到人』,對眼生喺呢度(一指頭頂)。其實係我唔識得同人溝通,喺屋企我係完全唔出聲嘅,喺出面又點會識得同人溝通呢?於是啲同學都覺得我好囂,所以嗰個時期我係冇朋友嘅。」
為了走上舞台,李璧琦忍受孤獨,同時繼續參加大大小小的歌唱比賽,包括九六年的「新秀」,及九九年一個唱片公司主辦的選秀活動。「兩次我都未夠十八歲,都係因為媽咪唔批准,佢覺得,我哥哥做咗醫生,就好想個女做到律師,所以我就繼續讀書,不過唔係讀Law,仲一邊做補習,諗住儲錢去外國讀音樂。」
〇〇年,在浸大攻讀音樂系的她,為了十萬元冠軍獎金,參加了雜誌舉辦的校花選舉,雖然失落冠軍,但她因而簽約模特兒公司,「再度」踏入娛樂圈。「其實到畢業,我都未真正決定到自己想做乜嘢,所以就做過Model,同時又諗,點解我咁想唱歌,都冇一個機會俾我呢?」

站在台上引吭高歌,是她從小到大的夢想,直至一三年,她才有機會開始追夢。

 

於《C9特工》中飾演反派,但造型突出的她(右三),甚為搶鏡。

 

拿慣了冠軍,但不擅與人溝通,性格就成了李璧琦口中的「睇唔到人」作風,冠軍獎座及錦旗背後,是孤獨。

 

在音階起跌中找自己,她參加了不同類型的歌唱比賽,入圍「新秀」外,她還在昔日BMA舉辦的選秀活動中奪冠,但在家人反對下,沒有入行。