區議會買搓手液 價高者得益自己友？

灣仔區議會早前審批民間團體申請撥款買搓手液做抗疫工作時出現爭議，事緣佢哋先後收到三個申請，其中「港語學」報價最高，其非酒精搓手液成本要三十五元一支，酒精搓手液也要八元一支。報價第二高嘅團體叫「點先」；而最平一間就係「梁錦棠詠春同學會」，非酒精搓手液只十元一支，酒精搓手液則五元一支。
但係區議會竟然先決定批畀最貴嘅「港語學」，並拒批最平嘅「梁錦棠詠春同學會」。到上周二準備再通過撥款時，就畀建制派嘅黃宏泰狙擊，直指「港語學」主席陳樂行係灣仔區議會主席楊雪盈嘅前助理，質疑係咪「益自己友」？其他議員見勢色唔對，未有通過撥款。

 

楊雪盈被質疑批出搓手液報價最AC貴嘅團體，有明益自已人之嫌。