為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 11 月 12 日

防攬炒派阻立會運作 人大擬訂DQ機制

本周喺北京舉行嘅人大常委會會議,忽然加插議程處理立法會運作受干擾問題,有消息指北京認為立法會應該按法例將長期阻礙議會正常運作嘅議員DQ,即係話要制訂立法會嘅DQ機制,令攬炒派議員不能夠肆無忌憚咁拉布同點人數,搞到好多法案無法通過,而最終受害嘅都係香港市民。
消息人士透露,相信四名攬炒派議員即將喪失議員資格,佢哋就係之前參加立法會選舉時,被選舉主任DQ嘅公民黨楊岳橋、郭榮鏗、郭家麒,以及專業議政嘅梁繼昌。至於喺開會期間不時要求點算法定人數嘅民主黨許智峯、林卓廷等人士,亦好大機會冇得留低。泛民得悉人大嘅意向後,周一經商議決定,如果有人被DQ,佢哋就會總辭。
有指人大擬訂DQ機制,目的並非一次性踢走搞亂檔嘅議員,而係將DQ機制化,令議員明白以後都要守法行事,否則可以依法褫奪佢哋尊貴嘅議員資格。根據《基本法》第104條,包括立法會議員在內的主要官員及司法人員,就職時需宣誓效忠《基本法》及香港特別行政區,宣誓時需表明「盡忠職守,遵守法律,廉潔奉公」。

 

 

立法會月前復會後,一班泛民議員答應延任後,卻不斷喺會上搞事,擾亂議會正常運作。

 


全國人大常委會委員譚耀宗說:「作為立法會議員,應按《基本法》104條宣誓效忠內容行事。不斷以各種行為干擾立法會正常運作,我覺得是不好的。」他指若立法會議員在宣誓之後做出違反誓言的行為,就要依法承擔法律責任。
今年八月十一日,十三屆全國人大常委會通過,香港特別行政區第六屆立法會在今年九月三十日後,繼續履行職責不少於一年,直至香港特別行政區第七屆立法會任期開始為止。但係立法會秘書處指出,復會至今四個星期,一共有八十次點算法定人數,花了十四小時二十一分鐘,其間三次因人數不足流會。立法會早前繼續審議《2019年運貨貨櫃(安全)(修訂)條例草案》,攬炒派亦瘋狂「拉布」,令無爭議嘅草案也要耗時兩日共八個多小時先獲得通過。
有政壇人士估計,北京本來畀泛民機會留喺立法會,希望佢哋可以做回有建設性的反對派,但係復會不過一個月,佢哋已經不斷拉布,顯示其以癱瘓議會的圖謀依然死心不息,促使北京下定決心劃出紅線。

泛民得悉人大制訂立法會DQ機制後,周一經商議決定,如果有人被DQ,他們就會總辭。