今時今日，三年抱兩已絕無僅有，更何況是五年抱四？港鐵前主席馬時亨長女馬露明（Christine），與丈夫劉仲恒（Kevin）近日就第四度當上爸媽，組織六口之家，幸福滿瀉。
馬露明早前誕下七磅B仔劉智安（Matthew），身為丈夫的Kevin，近日忙於照顧太太及BB，他慶幸太太復元迅速。「之前嗰胎係龍鳳胎，太太開刀生，傷口較大；今次順產，太太生完第二日已經自己落牀，佢面色仲好過我呀！」
從事放射科專科醫生的Kevin，與太太結婚近十年，育有三子一女，二人都十分喜歡小朋友，「我平時負責同佢哋玩多啲，大仔比較保守，二女好大膽，三仔最窩心，細仔就有待發掘啦！」
對於了解童心，這位三十九歲的醫爸，很有Heart！

去年Kevin與Christine的一對龍鳳胎出世，一家人與公公婆婆溫馨合照。

去年，他在尖沙咀再開醫務中心，牆上大部分的畫作由外母送贈。

孻仔最靚仔

訪問當天，劉仲恒的細仔Matthew出生只有一個多星期，雖忙於照顧BB及正在坐月的太太，第四度為人父的他，難掩興奮，未顯倦容。
本身已有三名子女，包括長子智恒（四歲半）、次女智恩及三子智灝（龍鳳胎、一歲半），Kevin笑言，相比其他三名子女，他和太太都覺得Matthew出生的樣子「最靚仔」。「今次太太順產，醫生推咗兩下，佢就出咗嚟，因為出得好快，所以佢個頭同塊面無被砸到，反而嗰時大仔推咗八、九下先出到嚟，所以腫好多。」
他稱因太太產前要同時照顧其餘三名子女，未有太多時間安胎，慶幸她復元得很快。
「今胎佢痛咗八、九個鐘就生得，唔使打催生針，係好好彩。同埋好感恩最近疫情受控，我先可以入產房陪產，又可以喺病房照顧佢，否則都幾麻煩！」
對細仔Matthew的來臨，他覺得頗為玄妙，「舊年十二月，有日我哋同大仔沖涼，佢同媽咪講想要多個細佬，佢仲好有信心咁話，神應承咗佢啦。點知之後老婆真係有咗，所以我覺得佢同呢個細佬，係特別有Connection 。」
再度成為外公的馬時亨，三代同堂，一家人都非常開心，Kevin就爆外父特別寵孫，「佢曾經話過孫係要嚟寵，仔女係要嚟教。呢家加埋太太妹妹嘅兩個女兒，外父外母已經有六個孫，每星期佢哋都會帶啲孫去玩，要分配時間俾六個孫，佢哋都好忙碌！」

Kevin一家人都是基督徒，細仔的英文名Matthew，有神的禮物、耶穌的智慧及神的平安喜樂之意。