為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2020 年 11 月 11 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

滙景聯乘大灣區發展

有人形容二○二○年係大停擺嘅一年,但對於今年一月港交所主板上市嘅滙景控股(9968),今年不但馬不停蹄而且收穫甚豐。例如公司上市短短數月就納入MSCI小型股指數,以及恒生綜合指數和恒生港股通指數系列,又首次境外發債,以及首獲中國指數研究院列入中國房地產百強,和初次奪得優質中國房地產企業大獎。我喺一個頒獎禮上見到滙景首席執行官倫照明,佢同我分享公司大計,之後仲傳嚟一張業務發展藍圖,勾畫出公司今年重要發展,並明確點出未來規劃方向。
滙景成立於○四年,以東莞作為創業據點,然後逐步向外延伸至大灣區,以至長三角及長江中游城市群。目前公司土地儲備集中五座城市,包括東莞、河源、合肥、衡陽和長沙,總建築面積二百六十三萬平方米。公司並唔急於擴充版圖,反而希望能夠深入挖掘據點城市嘅發展潛力。倫兄解釋,公司對大灣區、華南、華中及華東地區嘅目標城市進行過深入研究,充分掌握各地房地產市場情況,選擇聚焦上述五個城市,係公司理性選擇,能夠有效達致穩健發展。而且現時十七個項目和五幅地均位於城市中心、臨深區域、濱海灣新區等高增值地段,享有地利優勢和升值潛力。

滙景控股倫照明(左一) 及楊煒輝(右一)。

 


公司基地東莞早期係港商設廠之選,近年地方政府積極引入科企,推出多項政策扶助高增值產業,當地經濟發展再進一步。被納入「大深圳」後發展更為迅速,日後待交通網絡完善後,會同深圳形成一小時、甚至半小時經濟生活圈。
匯景深耕東莞策略亦證實有效,公司上半年合約銷售總值逾二十四億四千萬元(人民幣,下同),按年增五成三,已交付建築面積約二十三萬平米,按年增長八成三;總收益二十二億七千萬元,純利逾三億元,分別上升七成三和四成三。
物業開發之外,公司專注發展城市更新業務,當中有三個項目已進入「埋尾」階段,八個項目正在推進中,並獲聘為另外七個東莞項目嘅前期服務商。
公司發展項目按個別特點而作最合適規劃,例如東莞市沙田稔洲片區項目坐落於一個環保基地,公司考慮到智慧工廠為大勢所趨,於設計項目時引入5G技術,為廠商提供優質生產空間及服務設施,將項目打造為東莞灣區「智造港」。講到新興產業,匯景亦有打造特色小鎮,期望透過提供充足配套,令相關行業成為小鎮嘅核心能力。科技創新係深受熱捧嘅新型工業,公司看準當中商機,與浙江大學合作於東莞沙田鎮建造人工智能小鎮。
內地市民愈加重視生活質素,帶動文化旅遊、健康及療養需求,公司因而喺衡陽建設生態文旅小鎮,預計建築面積約一百二十九萬平米,配備如公園及水療等旅遊康養設施。呢個項目被多個樓盤網評為一九年生態宜居大盤。
匯景穩立大灣區,發展藍圖涵蓋物業開發、城市更新、文旅康養、科創產業等,力求穩健均衡,亦可乘區域發展儲備增長動力。