為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 05 日

錢國偉遺留一間村屋

無綫前「金牌監製」錢國偉(Wilson),上周二(十月廿七日)因胰臟癌病逝,終年五十八歲。佢太太陳宛蔚、好友錢嘉樂、湯盈盈、黎芷珊、譚玉瑛及吳家樂,喺醫院傷心送別佢最後一程。
今年五月,開始傳出Wilson患重病嘅消息,佢更由昔日嘅大肥仔暴瘦幾十磅。據知,佢患上胰臟癌多時,除咗接受西藥治療,及一直服食箭豬棗控制病情之外;去年,佢更加到日本接受「免疫治療法」,惟近大半年新冠肺炎爆發,未能再去日本,近日病情惡化再度入院,最終不治。
遺下妻女嘅Wilson,一五年,跟落選港姐「雜果賓治」陳宛蔚結婚,一八年誕下女兒Abby。據陳宛蔚透露,兩歲囡囡有見爸爸最後一面,好乖。問到Wilson有咩遺願,陳宛蔚就話:「一直覺得佢會好番,我哋冇討論過任何嘢。」而錢嘉樂亦表示,Wilson一路都好正面,唯一牽掛係囡囡;不過,佢叫老友放心,一班uncles、aunties會幫手照顧。
唔少人擔心Wilson妻女日後生活問題,東姑翻查資料,發現Wilson生前手持一間西貢大網仔村屋連天台,市值約七百五十萬元。加上,Wilson生前人緣好好,跟錢嘉樂、鄭伊健、曾志偉、謝天華等人稱兄道弟,相信佢太太及囡囡有呢班世叔伯睇住,佢可以一路好走喇!

上周二(十月廿七日),無綫前「金牌監製」錢國偉因胰臟癌病逝,終年五十八歲。

 

遺孀陳宛蔚表示,錢國偉離開時好安詳,丈夫抗癌兩年來積極面對,一直覺得會好番,又讚老公係英雄。

 

錢國偉太太陳宛蔚,由兩位妹妹、同埋錢嘉樂與湯盈盈夫婦、譚玉瑛、黎芷珊及吳家樂等好友陪同下,喺醫院門口見傳媒。

 

有「金牌監製」之稱嘅錢國偉,監製過唔少膾炙人口嘅綜藝節目。此外,佢又曾擔任演唱會監製,跟一班「古惑仔」鄭伊健、謝天華、陳小春、林曉峰,稱兄道弟。

 

 

 

生前人緣好好嘅錢國偉,臨終時有大班好友到醫院送最後一程,包括:曾合作遊戲節目《獎門人》嘅錢嘉樂、吳家樂等,佢哋見傳媒時都不禁眼泛淚光,神情哀傷。