為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 04 日

chok住拍口罩廣告 MC張天賦處男下海穩袋六位數

廣告商Like爆張天賦(MC)人氣夠唱歌好,兼能發揮香港人精神。

《全民造星II》亞軍張天賦(MC) 雖然冇簽ViuTV,但依然係人氣王,上月他應造星導師Miss Chan Chan(陳潔靈)邀請擔任作品展《埋班作樂》嘉賓,有份合唱《標本》,而真人騷旅遊節目《大海男兒》亦播出。最近他更處男下海拍咗個較大型嘅廣告,口罩廣告商睇中MC夠人氣,唱歌好,而且好有年青人幹勁同埋動力,能發揮香港人精神。

早前MC張天賦喺維港風景下取景,拍攝期間有齊化妝師和髮型師,一行10多人團隊在場打點,排場十足!廣告喺港九新界巴士站都見到他蹤影,算係好揼本,唔少粉絲走遍全港巴士站逐個打卡追蹤!他笑說:「有一晚喺旺角撞到有fans喺巴士站打卡,其實望住一排自己嘅燈箱都幾尷尬,但係又覺得好開心,尤其有位同我玩咗好多年音樂嘅朋友,都喺燈箱自拍後掟相畀我,嗰刻感覺真係好正。」MC張天賦承認喺疫情下廣告收入好唔錯,代言費高達有六位數字。

張天賦(MC)喺巴士站宣傳燈箱影相留念。

喺《全民造星II》出身嘅MC有留意熱播中嘅《造星III》,因為自己都有啲朋友參加咗:「都留意到今年好多負評,可能因為佢哋出咗道,啲人對佢哋要求會更高,其實都幾大壓力同幾慘!咁我自己舊年都算係喺一片負評行到民選冠軍,好明白嗰種感受,希望佢哋撐得住,然後個節目播出之後可以幫佢哋平反到啦。」

張天賦(MC)chok住做口罩代言人獲六位數字酬勞。

《全民造星II》亞軍張天賦(MC)人氣夠,有唔少鐵粉。

上月他應造星導師Miss Chan Chan(陳潔靈)邀請擔任作品展《埋班作樂》嘉賓。

張天賦MC喺《全民造星II》奪亞軍。

張天賦MC為曾若華新歌拍MV。

《全民造星II》三甲吳啟洋Phoebus,張天賦MC,李祉均Oscar 。