為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 04 日

生日寸爆過氣閨蜜馮盈盈 江嘉敏:望識帶眼識人

江嘉敏嘅25歲生日願望,不忘寸爆「過氣閨蜜」FYY。

上位TVB小花江嘉敏(Kaman)今日25歲牛一,着住火紅色衫,好有喜慶feel嘅壽星女喺凌晨出Post,分享生日願望,講完踼走疫情及環保「大道理」後尾隨掟骨,暗寸「過氣閨蜜」馮盈盈(FYY),寫道:「希望自己成熟啲,識帶眼識人。」嘩嘩嘩!睇嚟壽星女內心同外在一樣,好火!

江嘉敏凌晨上載咗一張笑容滿面,P過圖嘅大頭相,留言:「我生日喇!生日願望簡簡單單,疫情快啲同我消失,全部人都有野(嘢)做,食得飽,人類乖乖愛護地球。少用啲膠袋,膠飲管,即棄餐具⋯⋯地球冇咁快滅亡,我可以聽多幾年生日快樂丫!最後梗係想自己食極唔肥,同埋希望自己成熟啲,識帶眼識人。太耐冇自拍,搞到個頭勁大。#生日要紅當當(噹)#好少凌晨出post#宣布(佈)放棄減肥一個月#眨下眼又生日嚕」

自「富豪船P」羅生門事件後,江嘉敏和馮盈盈姊妹情不再。

江嘉敏生日post獲圈中友好余香凝、張繼聰、伍允龍、李佳芯、黃智賢、傅嘉莉、JW等留言祝賀,當然FYY冇影,並冇對號入座,亦暫時未有出Post反擊。

自從「富豪船P」羅生門事件後,江嘉敏和馮盈盈便由「打卡之友」降呢「過氣閨蜜」,姊妹情不再,而江嘉敏早於8月中已轉黐「楷女郎」郭嘉文及富家女鄺潔楹;盈盈就約麥明詩擦蟹,兩人各自各精彩。最搞笑係盈盈約麥明詩(Louisa)擦蟹合照相,有網友喺Louisa的IG內留言說:「唔係反咗面咩?」Louisa好快回覆網友:「係咪搞錯咗呀?唔係我喔!」江嘉敏和馮盈盈反面事件隨即再度發酵,空月來風未必無因!

盈盈周前約麥明詩擦蟹,有網友搞錯問:「唔係反咗面咩?」 Louisa口快快答:「係咪搞錯咗呀?唔係我喔!」

江嘉敏早於8月中已轉黐「楷女郎」郭嘉文及富家女鄺潔楹玩,繼續埋有錢人堆。

馮盈盈應約出海搞出「富豪船P」羅生門事件後,即被指拜金女,形象多少受損。

馮盈盈傳有秘密情人鄭衍鋒,有緋聞男友o氹返,盈盈懶理江嘉敏發炮。

江嘉敏喺TVB上位小花,好受監製歡迎,但觀眾緣就麻麻。