為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 11 月 02 日

疫下搞工展會 無熟食檔兼限人流

去年遇上反修例風波,幾乎搞唔成嘅維園工展會,今年又撞正新冠肺炎疫情,一度傳出「唔畀搞」。近日疫情緩和,政府終於開綠燈,容許工展會喺十二月中舉行。雖然大門照開,但就講明有「三不准」,包括唔准有熟食檔、場內唔准有試食、入場人數亦要減一半。
掣肘多多,嚇怕部分參展商。據知過去多次參展嘅大型品牌包括「德國寶」、「御藥堂」等,目前有意取消唔參展。疫下搞工展會會否要蝕錢?廠商會展覽服務有限公司主席徐晉暉坦言暫時收到數百個參展商認購攤位,反應唔弱,但賺錢與否只係其次,「希望開幕前唔好突然爆發第四波,否則展覽公司要退回部分參展費,但搭建會場嘅工程,就算唔開成亦要找數,影響會幾傷吓。」

展覽公司將參展費大幅下調至六八折,徐晉暉話:「唔係為賺錢,只望開得成!」