為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 10 月 31 日

林榮基要美國支援港青 蓬佩奧㷫爆

美國國務院次卿克拉奇早前率團訪台三日,對台灣係件空前大事,台灣蔡英文政府上下十分重視。而克拉奇除咗會見台灣政府高層,仲抽空見了一些異見人士,包括銅鑼灣書店店主林榮基,以及六四事件領袖吾爾開希等人。不過本刊八到,該次會面氣氛其實麻麻。
據了解,會談雙方傾咗大約一粒鐘,出席者除了林榮基、吾爾開希,仲有西藏前國會議員凱度頓珠,以及喺台灣暫避嘅中國基督教家庭會「秋雨之福」教友廖強、任瑞婷等人。
輪到林榮基發言時,佢突然提出,希望美國政府能夠出手,支援去台灣避難嘅港青。佢話抵達台灣嘅港青生活有困難,雖然台灣政府願意收留,但部分人搵工並唔順利,原因係台方對港人喺當地工作要求較高,希望美國政府幫助,等呢班人有機會去美國做嘢咁話。
講到台灣政府有心無力,要送呢班港青去美國,林榮基發表完一番偉論後克拉奇卻只係笑了笑,並沒有具體回應。有媒體解讀話美方對此已表達協助意願,只係當下無畀任何承諾。不過據知情人士透露,查實克拉奇係以笑轉移視線,呢吓「冷回應」仲令現場氣氛變得好尷尬添。
克拉奇事後向國務卿蓬佩奧匯報情況,據悉卿蓬佩相當唔高興,認為有人有意藉會面公開向美國政府施壓,要美國政府承擔呢隻燙手山芋,有人更懷疑係台灣的蔡英文總統背後教路。有熟悉台灣政治嘅政壇中人便分析,話蔡英文政府借林榮基過橋,公開逼美國官員喺協助抗爭港青事件上表態並不出奇。
本刊問過林榮基,佢承認有講過支援港青一番話,而克拉奇以微笑回應,佢就解讀為「是禮貌性的,他沒有答話。」
其實,美國喺聲援逃亡港青事件上至今只係得個講字,無咩具體行動,呢次被設下地雷陣,難怪蓬佩奧唔高興。

訪台嘅次卿克拉奇(左一)到蔡英文(右二)官邸參加晚宴。

 

蓬佩奧不滿有人藉會面公開向美國施壓,逼美國接燙手山芋,為此極之唔高興。

 

林榮基要求克拉奇支援去台灣避難嘅港青,點知呢番話激嬲咗蓬佩奧。

 

台灣多個團體最近發起「撐港遊行」,要求釋放十二名潛逃台灣被捕嘅港人。