為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 10 月 27 日

劇組精心炮製「驚」喜派對 朱茵49歲生日獲老公隔空送歌賀壽

朱茵前日49歲生日,獲劇組與家人送上驚喜。

前日(25日)是「童顏仙子」朱茵的49歲生日,正為電影《雨打芭蕉》長駐內地開工的她,雖然跟老公黃貫中(Paul)和愛女黃鶯分隔兩地,但有心思的Paul早於凌晨已「遙距送禮」,她說:「囡囡同老公向來都好重視我生日,噚晚我收夜,收工已經到咗生日,不過因為網絡問題,接唔到老公電話,令佢好焦急咁搵我,最後佢唱咗生日歌畀我聽,今日亦都唱咗,所以我帶住愉快嘅心情開工。其實喺工作中度過生日係一個好兆頭,寓意全年富足圓滿。」

 

劇組為朱茵精心炮製「驚」喜派對。

除此之外,朱茵更獲劇組精心炮製「驚」喜派對,「成組人叫我入房,好嚴肅咁同我講,今日嘅戲要重拍,我心諗:『唔好啦,就快煞科喇,唔想浪費大家嘅心血。』但係佢哋講得好有說服力,我又覺得係喎,啲光好似唔連戲,最後佢哋仲差啲發火!點知工作人員突然播咗段片,內容係《雨打芭蕉》嘅劇照、我喺片場嘅快樂片段,令我好感動。」與劇組朝夕相對近一個月,感性的她直呼不捨,「雖然仲有幾日先煞科,但我已經好唔捨得呢班好努力,而且熱愛電影嘅年青人,佢哋係我身邊嘅小天使。」

睇到工作人員播出拍攝《雨打芭蕉》的花絮及劇照片段,朱茵表示好感動。

朱茵指《雨打芭蕉》的故事喚醒了她的正能量。

提到今年的生日願望,朱茵祝願電影《雨打芭蕉》取得佳績,還表示外柔內剛的「吳霜」一角,是她的轉型之作:「我好期待呢部電影,因為同我以往接拍嘅角色好唔同,呢部戲可以話係轉型作!《雨打芭蕉》係一部好貼地嘅藝術電影,將好多現況透過電影話畀大家聽,希望入場嘅觀眾朋友會感同身受。」

一家三口

(網上圖片)

(網上圖片)