為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 10 月 23 日

疫下診所生意急跌 名醫大廈「吉位」湧現

疫情打擊百業,連帶一向不愁客源嘅私家診所都生意插水,部分名醫大廈近日紛紛湧現退租潮,西醫公會會長楊超發承認,單係公會所在嘅油麻地恒成大廈,近日先後有約二十間診所退租,部分醫生有感抗疫遙遙無期,心灰意冷提早退休;亦有醫生因為生意慘淡,為免蝕入肉,寧願轉租租金較平嘅觀塘、荃灣區等,楊超發直言:「政府成日以為醫生大把錢,蝕少少唔會死,實情好多西醫今次喺疫情下捱得好慘!」
因為擔心去診所睇病屬高危動作,唔少市民病到五顏六色都唔睇醫生,本來人流如鯽嘅恒成大廈亦冷清晒。因為租客流失情況嚴重,部分業主紛紛減租。眼見租金下調,本來喺該大廈九樓租用六百多呎單位作西醫工會會址嘅楊超發,近月改租八樓一個千多呎單位,「呎價由四十蚊減到三十蚊,租金平咗,索性租大一些,方便會員搞活動。」
雖然趁平執到寶,但楊超發未有因此開心,佢慨歎自己喺青衣嘅診所生意一落千丈。據知部分名醫大廈都變得「靜蠅蠅」,專做內地客嘅北區診所更成為重災區,楊促請政府伸出援手,否則診所執笠潮將陸續有來。

名醫林立嘅油麻地恒成大廈,近日減租吸客。

 

楊超發慨歎疫情嚴重打擊診所生意,部分醫生選擇提早退休或搬往租金較平嘅區份。