為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 10 月 22 日

希望在樂壇識多啲朋友 曾若華激讚連詩雅係女神

曾若華對住女神Shiga表現怕醜。

連詩雅(Shiga)最近與舊唱片公司,華納小師妹曾若華(JUDE)合唱新歌《零分》,歌曲由JUDE獨唱版變成合唱版,獲得不少樂迷讚好。提到連詩雅,JUDE好興奮仲自爆合唱時忍唔住心心眼望住對方。

 

唱開搖滾歌嘅JUDE轉唱慘情歌自言有難度。

連詩雅接受曾若華邀請,演繹JUDE新歌《零分》嘅合唱版,JUDE開心到飛起,講返件事都眉飛色舞:「搵合唱版拍檔,我第一個諗起佢,因為佢把聲非常適合唱情歌,可以提升首歌。而且好少有兩個女仔唱一首情歌,都想試少少新嘢。

喺疫情下工作減少,JUDE選擇去行山。

疫情下少咗演出,JUDE會拍片放上網增加人氣。

當問到可會擔心被搶風頭?JUDE即說:「又冇擔心過喎,好多人唔知我哋係朋友,大概20歲我啱啱簽華納,當時幫佢拍《說一句》歌詞版MV,佢仲話我係小妹妹,疑惑會唔會拍得好?好彩效果滿意。之後我哋會一齊行山做義工,就算????家唔同唱片公司,佢都好似師姐咁照顧我,我哋互相支持鼓勵係好好嘅朋友。」JUDE又說公司想佢識多啲人,同多啲人溝通吓,「我哋呢行係好需要朋友。」

JUDE大讚Shiga真係唱得好好:「首歌係寫兩個女仔嘅愛情經歷,當同另一半鬧交,就會諗返以前美好嘅回憶,兩個女仔因而互相安慰。呢首歌真係適合佢唱,我第二次唱慘情歌,未融入到風格,係一個大挑戰。合唱當日我小fans上身係咁望住佢,好開心呀!佢好靚女,當年第一次拍MV見佢真人,嘩!係我眼中嘅女神,至今不變,我真心鍾意佢唱歌,佢個樣同佢個人。」

傳連詩雅秘撻陳家樂,兩人唔回應感情事,只求大家畀空間。

愛犬係JUDE的創作靈感之一。

《零分》MV由讀開攝影嘅JUDE親自執導。