為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2020 年 10 月 20 日

關慧玲

《東周刊》社長兼總編輯。

一加一等於三

疫情下,大部分品牌都無奈要「咳筆直」,不過有時一個創意,能做到一加一等於三的效果。
昂坪360係本地特式旅遊品牌,而FILA則是國際運動品牌。最近兩大品牌策略性地搞咗個聯乘,推出戶外運動節,在十一月十五日前,在昂坪市集設置八個打卡裝置及三個互動有獎遊戲,又設計了六部主題纜車車廂,與車廂套票優惠,希望吸引本地年輕情侶、閨密及親子家庭客到訪。呢個聯乘背後原來有段古。

 

 


受疫情影響,昂坪纜車今年內曾先後兩次暫停服務,最近疫情緩和才復駛。但昂坪360董事總經理劉偉明(下圖)沒有因此停下來,不斷諗橋,待疫情放緩後出擊。佢想鼓勵人多做運動,所以想找個運動品牌一齊做,經介紹下認識FILA這個品牌。不過接觸前,FILA以為昂坪做嘅係宗教旅遊,而FILA主打年輕客,佢哋嘅全球代言人係韓國人氣組合「防彈少年團」(BTS),非常潮非常年輕,所以大家都唔知適唔適合,而疫情下使錢當然亦要諗過度過。不過劉偉明決定試一試,當昂坪360嘅團隊帶FILA香港、澳門及新加坡總經理廖寶賢等一行人走一轉後,佢哋都睇到運動加旅遊嘅潛力,之後成個推廣就水到渠成。兩品牌雙劍合璧,趁疫情放緩就出擊,資源和錢無用多,效果卻唔錯。
周日趁天氣轉涼,筆者和一班傳媒朋友跟劉偉明遊走彌勒山、昂坪棧道和心經簡林一帶,山道上人流不絕,證明大家都想出去透透氣。到了山上的昂坪市集,迎面而來一個糖果色系的世界,圓形廣場上有個四色運動場景嘅打卡裝置,網球場是粉紅色的、籃板是橙色的、滑板場則是芥末黃,還有綠色的攀石牆,啱晒鐘意周圍打卡post相嘅人。市集內又有劍擊賽等運動,玩完遊戲可以跟據得分去抽獎。
昂坪位處大嶼山,既有山亦有海,係好豐富嘅旅遊資源。劉偉明話佢哋好積極推綠色遊及深度遊,包括大嶼山文化探索等,只係受疫情影響,這些活動需要暫停。
疫情下無得到處飛,不如捨遠圖近,擁抱眼前的山水之美。