林鈺洧（Denice）是八十年代電視小生林俊賢的女兒，因套上「星二代」和Angelababy師妹的光環而入行，但過去四年間，其星途一直未見突出，直至近月放下枷鎖，接拍靈探真人騷，又在清淡節目上大膽講牀上性史，才被封為新一代「性女」，成功吸納過萬粉絲關注。
現年廿五歲，看似外表Open的她率直地說：「o依家係咩年代？拍拖一定會有性，我唔係聖人，唔會同你講我無拍過拖，但我絕對唔係一個open嘅人，對每段感情都好認真，未正式一齊，都唔會有進一步關係。」談情說性，no big deal。

有話直說的林鈺洧，沒想到happy share，會被冠上「性女」的稱號，「我有好多話題都可以講，但並唔代表我無價值觀，新聞塑造到我係一個咁開放、咁無原則嘅人，我係有少少hard feeling。」

網上調情

外表鬼鬼地的林鈺洧，擁有34D胸器和43吋長腿，外形煞食，但一直惜「身」如玉，未有好好展示天賦本錢。直至這兩個月，她終於大解放，在清淡節目上大膽講到與五位男友的「性」戰，不但大爆有位男友連褲都未除就「完事」，又說曾與天蠍座男友對戰，對方戰鬥力驚人，「佢唔止靚仔高大，喺牀上仲有好多招式又持久，如果要同天蠍座嘅男仔發生關係，係需要好大體力，佢會將你反嚟反去，翻天覆地咁，流晒汗，好暈！」
節目一出街，引來極大迴響，令她突然多了很多粉絲，又收到不少網友的「調情」私訊，她無奈說：「收過『我可以讓你翻天覆地，流晒汗，』、『聽說你很大吃』呢類短訊，又話我不知廉恥乜都講出口……，我係唔開心，我發誓，我唔係一個隨便嘅女仔，呢五個係同我拍過拖嘅男仔，既然上得節目分享，就要坦白。節目個主題係分享同唔同星座男伴嘅性經歷，我只係分享我嘅開心經驗，我個人好真，唔想講假嘢。」

 

她平時收收埋埋，忽然發放性感泳衣照，粉絲人數立即破萬。

撰文：俞倩欣
攝影：林建安
化妝，髮型：Chris Lam
服裝：Club Monaco
場地：台北·寬巷子@海港城