為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 10 月 17 日

抗疫「清零」無力 建制派狂攻

第四波疫情隨時又殺到,政府搞足八個幾月仍無法「清零」,唔止市民有抗疫疲勞,就連建制派亦扯晒火,矛頭直指政府,投訴部分高官抗疫技窮,來來去去只識「禁完又放,放完又禁過」,無限輪迴,只會陰乾香港經濟,要求中央審視。
有建制中人直言,香港直情係好大鑊,「疫情一日不受控,防疫隔離措施就無法放寬,變相拆散唔少中港家庭,港商想話返內地巡視吓業務亦吓吓要被隔離。疫情嚴峻時大家好理解,會盡量配合,之不過眼見澳門都清到零,點解香港搞極都搞唔掂?」據知有港商跟家人分隔八個月都無法團聚,每日只能透過視像電話解相思之苦,亦有港人即使家中有內地親人去世亦無法出席,只能託親友將喪禮全程拍片。
面對怨聲四起,局長陳肇始都承受唔少壓力,有人就撞見佢中秋節期間相約港大醫學院院長梁卓偉食飯密斟,據知兩人在港大共事時已非常熟稔,可能陳肇始找高人度吓橋咁啦。

有建制派批評政府錯失推行全民檢測嘅黃金時機,導致疫情仍然失控。

 

疫情至今無法「清零」,特首林鄭月娥(右二)被指責無旁貸。