為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 10 月 13 日

八號風球前約埋夜跑 49歲江美儀晒美腿強撼蛇腰唐詩詠

江美儀喺八號風球前約埋唐詩詠夜跑,多做運動嘅江美儀變得神采風揚。

今晨改發八號風球,颱風浪卡襲港,49歲嘅江美儀趁昨晚未打八號風球,相約「跑腳」唐詩詠喺海傍夜跑。一度加入過跑步行列嘅黃翠如,因為老公有約,當然重色輕友唔見人啦,不過,就算得返江美儀同唐詩詠都不愁寂寞,兩人邊跑邊欣賞香港夜景,仲停低影吓夜景靚相,好正。

相中詩詠跑到出晒汗,要除低外套,透過運動top露出蛇腰,而她開心笑晒口,喺香港夜色前展示勝利手勢。至於江美儀都唔弱,她以超短運動褲上陣,展示白滑美腿,身形真係唔遜於後生女!

江美儀留言:「第一次夜跑,估唔到係八號風球前風平浪靜嘅夜晚,可惜隻腳未完全康復,咁慢慢跑都正嘅!#江美儀 #江美人 #好好善待自己 #我要運動我要健康 #詩詠條橙色褲係搶眼嘅 #第一次首集著短褲跑!」唐詩詠留言回敬江美儀係「美人」,網民就大讚江美儀條腿靚到呢!又話《使徒3》就見到你啦!好開心!」

江美儀同唐詩詠素顏樣一樣咁正。

江美儀有「美人」稱號,不論樣貎及身形keep得愈嚟愈靚。

江美儀經常帶狗跑步。

黃翠如曾加入跑步行列。

昨日黃翠如應該約咗老公蕭正楠橕枱腳,故冇去夜跑。

美儀曾喺打風前約過發哥行山。

美儀有份喺《使徒行者3》中演出。