為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 10 月 13 日

沙麗送特製「蛋糕」 林德信搞西式生日會賀阿Lam73歲牛一

枱面上有阿Lam恨食嘅漢堡包及雪糕。阿Lam收到生日雪糕後,更作狀用叉嚟享用。

昨天係林子祥(阿Lam)73歲牛一,孝順仔林德信(Alex)喺社交網貼咗張只有7個月大時,被阿Lam抱住嘅合照,寫道:「Happy birthday @lamusique_lamusic !!!oh this is me 7 months old!」相中著住工人褲嘅Alex,扭計喊樣相當可愛。」

Alex曾透露喺疫情下會留家食飯慶祝阿Lam生日,並爆對方想吃漢堡包,而他更順道為後母、上月30日59歲生日的葉蒨文(沙麗)補祝。昨天林德信喺社交平台貼出阿Lam生日會相,林德信安排咗生日漢堡包、薯條、洋葱圈、生蕃茄、橙、沙律等,一枱西餐去滿足壽星公要求。最搞笑生日「蛋糕」係用士多啤梨加忌廉及四個雪糕球砌成,上面插有蠟燭,原來沙麗係應壽星公要求,沙麗更叫阿Lam吹蠟燭許願,阿Lam就好似小朋友咁,驚喜地做手勢,用刀叉嚟享受「蛋糕」。

林德信為林子祥在家中搞西式生日會。

呢個忌廉士多啤梨生日雪糕用嚟取代生日蛋糕,原來係壽星公意思。

爸爸牛一,令林德信心情大靚,仲喺車上唱歌。

呢張生日卡夠晒窩心。

Alex喺社交網貼咗張只有7個月大時,被阿Lam抱住嘅合照。