為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 10 月 09 日

泛民各懷鬼胎 組議政平台恐齋噏

三名民主派議員決定不延任一年立法會,當中公民黨陳淑莊話要淡出政圈,至於朱凱廸同人民力量嘅陳志全,就仍然戰意高昂,外傳兩人正盤算聯同勝出初選嘅抗爭派組成「議政平台」,計劃將政治重心由議會內轉移到議會外。
不過眼利嘅公民黨同民主黨又點會睇唔出有人想做泛民大佬?所以兩黨至今口講「會增加溝通」,但就唔見有實際組班行動。睇嚟陳、朱兩人想喺立會外撥火,隨時食白果。泛民向來各懷鬼胎,早前初選更凸顯傳統泛民同抗爭派各不相讓;雖然抗爭派一早有意組織「議政平台」,保住人氣為立法會選舉鋪路,不過講到同傳統泛民「合體」,佢哋就絕不睇好。

留守議會嘅泛民議員為令抗爭派「收貨」,聲稱會以更激烈行動表達抗爭意圖。

 


近日喺民主派初選出線嘅劉穎匡都講得好白,話提出設立「議政平台」係假設民主派議員全體杯葛議會後嘅方案,但現時民主黨決定留任,就暫時無必要繼續討論設立平台。一句講晒,即係唔睇好留守議會嘅泛民會真心「齊上齊落」。劉頴匡近排仲調番轉叫民主派議員,既然撰擇留低,就應該提供資源畀民間抗爭者。傳統泛民畀抗爭派逼到埋身,睇怕若然唔肯「科水」,就認真衰仔嘞。
民主黨林卓廷被問到會否同抗爭派成立民間議政平台,就答得有保留:「會同初選出線人商討,尊重雙方意見。」聲稱係議會「獨行俠」嘅陳志全,似乎明白要推得郁泛民搞議政平台難度極高,近日開始改口風,又話想專注經營網上平台,拍片監察議會運作,例如講吓議事規則嘅運用,又話長遠可能介紹吓文化,講吓《紅樓夢》、電影導賞咁,聽落佢似轉型做網紅多過抗爭者。
至於朱凱廸,就講到明未來絕對會再參選。佢解釋今次離任原因,話係因為已完成港人四年嘅付託,留低係需要額外授權,擺明暗寸留守嘅泛民議員借民調過橋,並無足夠民意授權。朱凱廸一向同勝出初選嘅抗爭派「手足」走得較近,未來一年會否一力搞起個「議政平台」,甚至重返議會?好睇佢呢一年嘅功力。

抗爭派自泛民初選一役後同傳統泛民漸行漸遠,能否「合體」組「平台」仍是未知之數。

 

朱凱廸(右)同陳志全(左)有意另組「議政平台」,喺議會外繼續撥火。