為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2020 年 10 月 02 日

所謂人生 江海迦AGA

平行時空中,三十二歲的江海迦(AGA)早於半年前,實現了香港歌手的終極夢想:完成其首個紅館演唱會⋯⋯
但咁多人幻想平行時空,唔通人人都活在平行時空咩?實際點,面對現實吧!
現實是,因疫情關係,原定四月舉行的處女紅館演唱會要取消,但AGA因而獲得一個假期,「原本開Show嘅日子,我喺澳洲幫我家姐剪緊草。本來只係去兩個星期,但因為疫情關係,總共去咗兩個月,嗰段時候我幾乎唔去創作,當係俾一個Break自己。
「經過呢次,我更加發現人生好多嘢都好無常,冇得去Plan ahead。原本我已經對人生有好多問題,好似點解要咁辛苦呢?為乜嘢呢?但慢慢我就發覺,做人要積極啲,得到嘅嘢先會愈嚟愈多。」
生活仍要繼續,AGA調整步伐,推出了新專輯《So Called Love Songs》。所謂人生,看着辦,反而更能樂在其中。

 

 

 

 

後知後覺

一個新冠肺炎,嚴重的,奪走數以百萬計的人命;輕微的,正常娛樂如面對面演唱會,也轉成On:tact或直接取消,AGA就是其中一名「受害人」。說起處女紅館演唱會被取消,跟她充滿節奏感的音樂不同,AGA說話時語調平和,時而附帶100%溫暖笑容,兩者的治癒感也十足。
紅館嘅Preparation,我喺開Show六個月前已經開始,一宣布要延期、取消,嗰一刻我冇唔開心,反而覺得有多咗時間去準備。直至喺網上見到啲Fans留言,話取消令佢哋好失望,咁我就真係有啲唔開心,好似冇咗一個同佢哋celebrate嘅機會。
不過,疫情令我成長咗好多,令我知道好多嘢都要學習放手。其實成長路上,有好多呢啲時刻,要經過好多唔同嘅Phrase(階段)先識得放手,或者祝福其他人。因為呢個經驗,我寫咗〈See You Next Time〉。
雖然後知後覺,但AGA最終也一如既往,以音階抒發情感,於九歲時便學琴的她,直言音樂是其生命。
如果呢個世界冇咗音樂,我諗我嘅人生會變成灰色。係音樂拯救咗我,我細個唔識得表達自己,開心、唔開心,我都會喺鋼琴前面彈唔同嘅音樂,幫我嘅情緒搵出口。我爸爸都係一個musician,因為佢,我細個聽好多音樂,尤其係Stevie Wonder、 Earth, Wind & Fire、Alecia Keys,又睇咗唔同嘅演唱會,令我都想做一啲同音樂有關嘅工作。
所以我F.5畢業,就去咗做空姐,目標好明確,就係唔使靠屋企,去外國讀音樂,我知道唔可以將自己想做嘅嘢,成為別人嘅負擔,好似我父母,於是我一路做空姐,一路讀作曲同編曲嘅課程,慢慢儲錢。

AGA稱人生中最重要的三位男士,除其父及香港爵士樂大師Ted Lo外,就是其恩師舒文。

 

為家中孻女的她,跟已故的二姐Gina的小時候合照。

 

出身音樂世家的她,視創作為每日的作業。 3╱