為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 10 月 01 日

袁學謙獲「女神」出心出力

新冠肺炎肆虐,搞到一眾旅遊節目主持人,即時被停工冇得飛。好似無綫旅遊節目《離地自由行》嘅袁學謙(Benedict),本來因節目受歡迎而人氣急升,理應食住上拍多幾集,可惜疫情影響未能添食。而「滯留」在港嘅Benedict,就決定逆市開舖,為旗下嘅手搖飲品店開分店。
東姑問佢點解會逆市開店?佢就話:「逆市開分店當然有啲擔心,但係凡事都係有危有機,既然業主肯減兩三成租金,我哋就決定租,博一博!」Benedict除咗有勇氣之外,分店開幕當日,東姑發現佢仲好有人緣添。另一旅遊達人「人妻女神」梁芷珮(Christy)、王賢誌同區倩怡都輪住嚟同佢祝賀。
現場所見,梁芷珮更好似女主人咁款,一早到場打點一切,足見二人感情非淺。兩位旅遊達人理應同行如敵國,東姑好奇問佢哋點解會老友鬼鬼?梁芷珮就笑住搶答:「係呀!我哋真係好好,我同佢唔會有搶嘢做嘅情況,例如我知佢去西歐,我想去嘅話,同佢講,佢就會遷就我,畀我去。如果佢真係好想去,咁我又會讓路,我哋好好;所以佢一話開舖,我一定嚟撐!」連同行都可以相處融洽,守望相助,Benedict飲得杯落啦!

 

 

梁芷珮一早到場幫袁學謙打點一切,問佢有冇擔心老公呷醋,佢就話兩男相識,所以老公唔會亂諗,兼絕對信任。

 

區倩怡同袁學謙一樣老友鬼鬼,原來佢哋係中學師姐弟關係。

 

王賢誌因為多年前擔任比賽司儀時,認識參賽者袁學謙,二人一直保持聯絡,關係亦師亦友,感情要好。