為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 30 日

為愛犬賀壽晒人貓狗團圓溫馨相 蔡卓妍男友石恆聰唔見影

 

蔡卓妍人狗貓團圓大合照,男友石恆聰去咗邊?

蔡卓妍(阿Sa)等待3年嘅《聖荷西謀殺案》終於上映,雖然係有壓力,但今時今日咁有人生經歷嘅阿Sa能輕輕鬆鬆面對,尤其家中5隻得意小狗同1隻可愛小貓,最幫到她減壓。

阿Sa一向愛錫動物,養狗又養貓,一室毛孩變咗動物園,屋企相當熱鬧。聽日就係中秋節,昨晚阿Sa為年老愛犬「月餅」、「冰皮」、「碌柚」賀壽,並喺IG晒人貓狗團圓溫馨大合照,不過,男友石恆聰就冇影。阿Sa留言:「月餅,冰皮,碌柚14歲大壽,14歲等人類的69歲,#時光飛逝但願牠們健健康康#繼續衣食無憂#特登帶埋嚦咕嚟同佢哋賀壽#被熱情的哥哥嚇親#阿媽唔易做#要佢哋全部望鏡超難。」

相中貓狗東張西望周圍走,大合照只能影到4狗1貓,「茘枝」成日冇咗影,反而「冰皮」最乖肯面對鏡頭,約瑟「栗子妹」就相當省鏡,而愛貓「嚦咕」置身狗狗群,睇落就有啲驚青。原來除咗「栗子妹」仲細,其他狗狗全部都有白內障,但從外表同扮相一啲都睇唔出有老態。網民大讚阿Sa照顧得好好,全部都好幸福呀!老年犬隻隻仲好cute。最搞笑有網民留言話:「跟住小富婆阿Sa梗係衣食無憂啦!」另外,亦有人關心貓狗能否相處得來。

蔡卓妍年年都同「月餅」、「冰皮」、「碌柚」賀壽,轉眼牠們經已14歲,都出現老人病,要好好保養。

置身狗狗堆嘅肥貓「嚦咕」有啲驚青喎!

「茘枝」成日冇咗影,點解漏咗佢喺枱底?

約瑟「栗子妹」今年4歲大。

肥貓「嚦咕」好可愛。

阿Sa共有5隻愛犬「月餅」、「冰皮」、「碌柚」、「栗子妹」、「茘枝」。

疫情下阿Sa都有廣告拍,唔怪得畀網民形容係小富婆。

蔡卓妍同鄭秀文主演《聖荷西謀殺案》終於上映啦,呢套戲等咗咁耐先上映,真係有千呼萬喚感覺。