為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 10 月 01 日

處理失德唔夠硬 楊潤雄惹建制派圍攻

二百名教師捲入專業失德風波,數目之多可說史無前例。教育局早前公布已向十七人發出譴責、九人發出書面警告,但就拒絕開名,做法惹來家長界不滿,質疑「自己人查自己人」。就連全國政協副主席梁振英(CY)都罕有地連續三日喺社交媒體Facebook狙擊教育局,仲點名批評楊潤雄「為官避事平心恥!」。唔少人奇怪CY何以大動肝火,消息人士透露,建制派對楊潤雄嘅表現的確頗為失望,批評佢自上任以來不論喺推動國民教育,以至疫情下要求學童需參加全民檢測等,都處理得唔夠硬淨,質疑有人怕咗教協,甚至欺善怕惡,令政府施政舉步維艱。
身兼行會成員嘅立法會議員張國鈞認為,即使有律師被投訴專業失德,律師會亦會在每月會訊公布,就算唔公開涉事律師姓名,亦會交代案情,「既然律師界都可以咁做,點解教育局唔可以參考?我曾經提議一個中間方案畀楊局長,即使唔公開涉事教師個名及學校資料,仍可以交代所犯何事、調查結果同罰則係乜。但佢哋聽完唔做,令唔少家長好失望。」
面對四方八面圍插,本刊曾向教育局查詢。消息人士話,明白大家着緊,但政府已經着手處理失德老師的問題,其實應該同心一致,對事不對人,改善教學質素。

楊潤雄拒絕公開涉嫌失德教師個名及學校資料,遭部分家長炮轟唔公平。

 

立法會十月中復會後,將會再次選舉各大事務委員會正、副主席。建制派為防再次爆出「內會風波2.0」,建議現時擔任事務委員會主席嘅建制派不再爭連任,改為喺現任主席之間「大兜亂」