為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 26 日

「細龍太」被消失 爆陳偉琪拋咪搵真銀

入行七年的陳偉琪,三年前,她憑着於《愛•回家之開心速遞》演「細龍太」,而人氣急升;可是,有指她接二連三爆出負面新聞,形象不切合處境喜劇,而被踢出《愛》劇組。
「細龍太」被消失了,一班《愛》劇粉絲大呼不捨得。陳偉琪雖然暫時在無綫冇工開,但是卻被不少廣告商睇中,獲邀拍產品廣告。日前,本刊就直擊,某纖體品牌(目及)中陳偉琪性感的身材,花六位數酬勞請她做代言人。而為影得靚,陳偉琪不僅出動私伙靚衫豪晒「巨咪」,拍攝時還吩咐助手去買貴價蛋糕收買人心,非常襟撈!

有傳,陳偉琪因為經常在《愛》劇中有意無意地晒咪,雖然某些高層不滿,但卻被一間美容產品公司睇中,邀請她拍纖體產品廣告。

 

影完貼身晚裝後,就快肚餓到暈的陳偉琪,立即叫了她最喜愛的麻辣套餐,狂吃一番。

 

粉絲不滿


今年二十九歲的陳偉琪,畢業於加拿大UBC,修讀政治及哲學。一三年,她回港參選港姐,並獲得「現場最受歡迎佳麗獎」;此外,精通兩文三語的她,有八級鋼琴及豎琴的資格,就連岑麗香都跟隨她學習豎琴。加入無綫後,她除了擔任主持之外,還參與劇集演出,然而都只是飾演做一些閒角。直至三年前,她終於憑在處境劇《愛•回家之開心速遞》中飾演「細龍太」,而人氣急升。
不過,去年十月,陳偉琪就因為醉酒駕駛被捕,更被法庭判罰款五千元及停牌十二個月,並即時交出駕駛執照,以及停牌最後三個月前,要自費修讀駕駛改進課程。自此,她立誓要戒酒,但今年一月,她又被發現飲多兩杯,並在灣仔街頭激咀外籍西裝男,負面新聞一單接一單。
據《愛》劇組的幕後人員透露,原本無綫諗住隻眼開隻眼閉,可是鬼妹仔性格的她,竟然無視公司的「限咪令」,在劇中不時有意無意大騷驕人身材,再加上多次被拍得在街頭不戴口罩周圍走,甚為影響公司的形象,於是決定將她收入雪櫃。難怪,「細龍太」在劇中突然被安排遠飛美國。
不過,一班「細龍太」的粉絲對於偶像被消失,就在社交網大表不滿:「冇雷珍妮,我寧願唔睇—TVB《愛•回家》等摺埋喇!」事後,據《愛》劇監製林建祥回應,「細龍太」只是暫時消失:「套劇間唔中都會講吓邊個會去哈爾濱呀,嗰個又會去下古里梧島呀,咁應該冇乜嘢就會出返嚟o架喇!」又指「細龍太」因為覺得對不起「細龍生」,所以才避開一陣,想通了應該就會回歸喎。至於「細龍太」何時重歸《愛》劇,陳偉琪表現得一臉迷惘說:「唔知呀!一切等公司安排。」拍劇方面,她雖然未知何去何從,但近月她卻忙得得不可開交。因為拍劇不時大騷身材的她,卻獲得廣告商的青睞。最近,她就被某纖體產品商睇中,力邀她拍瘦身產品廣告。

 

為求拍出靚靚效果,陳偉琪自備了大量私伙晚裝靚裙,工作認真。

 

早前,《愛》劇交代「細龍生」(鄭世豪飾)與「細龍太」話別。有指,這一集可能是陳偉琪的最後現身,搞到一班網民都大呼不捨得。