為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 09 月 29 日

萍常心 劉香萍

常說實現夢想,永不太遲!對資深演員兼製片家劉香萍(Ankie)來說,這是她電影的中心思想,也是其人生寫照。
以青年人「尋根」為主題的電影《一棵心中的許願樹》,由劉香萍身兼出品人、監製、導演及編劇,並由女兒貝安琪擔任女主角。
電影於一六年已經完成拍攝,可惜波折重重,此戲講足四年,近日終於上映有期,可是又因疫情關係,再度延期,不過劉香萍並未為此感到氣餒,會以平常心面對得失,「我嘅口號係『願望成真,永不太遲』,只要唔好放棄,機會總會有!」
屢敗屢戰,劉香萍的打不死精神,值得學習!

劉香萍近年經常德國、香港兩邊飛,為電影做後期製作及宣傳,年過六十的她,依然精力充沛。

 

為愛女開戲

劉香萍的作品《一棵心中的許願樹》,故事講述在外國長大的少女,透過回鄉尋根,重新認識自己。橋段似是她為愛女貝安琪度身訂造,更有指她出錢出力,開戲讓女兒做女主角。不過,她就不認同此說法,「搵貝安琪,唔係因為佢係我個女,佢本身係一位好出色嘅演員,喺歐洲好有知名度o架。」
曾參與多部電影及電視劇的貝安琪,其實不乏演出經驗,「今次安琪亦有參與幕後工作,負責編寫所有英文對白,係實力嘅表現!」
然而,電影上映日期,拖足四年,波折重重,當中更因為幾個錯字,而令劉香萍損失過百萬,她無奈說:「的確係一字千金。年幾前,內地本來有檔期可安排上映,點知發現字幕有幾個簡體字寫錯咗,要重新整過,但係當時已經做咗六千幾個Copies,所有宣傳品要收番晒,蝕咗成百萬人民幣!」
力求完美的她坦言,其實電影真正拍攝時間不長,誰料搞後期製作足足花了數年:「原版係英文版,喺香港上映要配廣東話,之後申請內地播,又用咗半年,經過好多批核,內地用普通話,又用咗半年去配音,搞搞吓就三年!」
電影分別在德國、荷李活及香港取景,為了部戲,她直言碌盡人情牌,「今次投資咗五千萬港元,超支咗,要好多謝我嘅朋友,好似米雪、李香琴,仲有發哥(周潤發)家姐周聰玲,同埋已故嘅發媽客串。」她說對電影信心十足,更說欲籌備拍續集,打算邀請郭富城演出。

早前全家總動員出席電影欣賞會,孫仔貝小龍動作多多,很懂搶鏡。

 

現時身在德國的她,不時與孫仔視像,關係親密。

 

廿八歲時,她為《良友》雜誌拍攝封面,由前港姐張瑪莉操刀。