為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 09 月 26 日

酒佬潮媽 梁芷珮

三十八歲已有兩子一女的「潮媽」梁芷珮(Christy),憑旅遊節目《潮什麼》系列,成功入屋,成為人氣主持和KOL。
她和負責拍攝兼導演的丈夫Ken,遊歷世界各地時,最愛買酒做手信,儲儲埋埋已有三、四十支珍藏,「我每次去旅行都一定會買酒,因為老公鍾意飲,又會買啲酒辦當手信送俾朋友。我哋仲會搵吓仔女出生年份嘅酒,儲埋一堆靚酒,將來喺啲特別日子會一齊開嚟飲。」

梁芷珮最着重飲酒氣氛,開心會飲多兩杯,而Ken則看心情,覺得食飯時配杯酒,會錦上添花。

 

她在意大利見到蘑菇屋造型的甜酒,只是十歐元,買了很多帶返香港作手信,「我最鍾意飲呢類甜酒,好似咖啡酒咁易入口,夾埋甜品品嘗,味覺一百分。」

 

酒莊掃平酒

身形極弗的Christy,在節目內不時穿泳衣和性感服飾,早已為人母的她,原來長子今年已經十六歲,次子和幼女分別是九歲和七歲。她與丈夫Ken最初只是行孖咇製作《潮什麼》系列,但因為出埠拍攝需時太長,離家動輒一個多月,令他們萌生一家人「旅遊」的念頭。
「有時真係好掛住啲仔女,所以咪諗辦法帶埋佢哋一齊去。老公喺加拿大長大,喺美國同加拿大都有屋企人,有次子女放暑假,我哋諗到可以將小朋友寄住喺奶奶美國嘅屋企,到時睇吓邊區可以帶小朋友拍攝,嗰一程就一家人齊齊出動。嗰時大仔十三歲,可以幫手照顧細佬妹,o依家大仔同二仔會幫手打燈同影相,細女見我plan行程,會喺我身邊陪住我,估唔到觀眾都好鍾意佢哋,尤其係細女,多咗好多粉絲送禮物俾佢。」
當旅遊已成為工作的一部分,她早已戒買「無謂」手信,現在出埠購物,最緊要實用,而她與丈夫近年就最愛買酒,早前到法國酒莊參觀時,兩夫婦就買到唔停手,Ken笑說:「喺法國參觀酒莊,不停試飲,試完又好鍾意,價錢好平,十零、廿蚊歐元就有一支,行程未到一半,已經買咗十幾支紅酒,塞爆咗個篋。期間我哋開咗兩、三支飲咗先,如果唔係,之後再見到有靚酒買,都拎唔到返嚟。我哋次次都係hand carry返香港,Christy好小心用啲衫包住,寄艙咁多次都未試過打爛,好犀利!」

Christy到每一個國家旅行,都一定會買當地出品的酒,她分享部分的特色收藏,「每一支酒都係一個回憶,會諗返起嗰次旅行嘅點滴。」

 

Ken最喜歡威士忌,尤其是日本出產,最啱他口味。