為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 24 日

何珮瑜床戰搞痛楊天宇慘叫 母性大發想公開招婚

Jeana打足4層底,楊天宇就赤膊上陣,仲要被Jeana壓住大髀筋痛死。

何珮瑜(Jeana)日前為在下周一首播的ViuTV劇集《熟女強人》拍攝大膽床戲,與對手楊天宇又攬又錫,床戰連場,她笑指今次打破自己劇集性感尺度。Jeana說:「一定係啦!因為我都冇咩拍劇,做咩都會打破紀錄,我今日都著咗4層衫防走光,對手就要騷肌肉,咩都除晒!有一場我唔小心壓住佢大髀筋,痛到佢即刻慘叫。」
劇中其他女主角,都需要外景拍攝,唯獨Jeana大部份場口酒店完成。她說:「可能監製錫我啦,又可能劇本需要,我好多場景都係酒店完成,唔使日曬雨淋係好舒服嘅。」
Jeana就話等緊煞科宴,期待與姊妹重聚。「拍呢部劇最難忘係幫人做Spa,因為平時我都係去俾人按,今次就要同曾樂彤、朱鑑然有肌膚之親,劇入面又有埋BB,我現實中都想有個小朋友,依家我都母性大發,可惜我連個盤都冇,可能拍完部劇要公開招婚先得。」

Jeana與楊天宇床戰連場。

Jeana自言很多場景都在酒店拍攝。

Jeana謂現實中都想生B。