為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 09 月 25 日

死因庭引VR技術 警高層計劃廣泛使用

科技大學男學生周梓樂嘅死因研訊,將喺十一月十六日開審。今次案件將會由警方同政府化驗所合作,推出虛擬實境(VR)技術,協助陪審團了解案發現場實況。呢次係本港法院首次使用VR審案,警方高層高度重視,會喺開庭前就新系統作檢視,確保一切運作順暢。
消息人士透露,呢個VR系統已經準備就緒隨時用得,佢特別之處係能夠重塑周梓樂喺案發現場嘅第一身視覺,亦會用模擬停車場嘅實際環境,等陪審團企喺大型螢幕前,猶如置身停車場。
據悉,若然今次使用效果良好,警方日後會將系統推展到其他案件審訊,「尤其是一啲有陪審團嘅案件,VR系統能夠方便佢哋隨時重返案發現場考察,而無須好似過往咁,要勞師動眾接送佢哋前往,省卻唔少人力物力同交通時間。」

周梓樂於去年十一月四日凌晨,在尚德邨停車場被發現從高處墮下重創,送院延醫四日證實不治。圖為市民在現場悼念周梓樂。