為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 09 月 24 日

先跟前妻吵鬧 再涉打人被捕 社署介入柳俊江家事

經常喺社交媒體大晒恩愛嘅前新聞主播柳俊江,日前爆出同太太雷康怡嘅男性友人大打出手,柳同該名二十五歲姓儲嘅「男友人」一同被拘捕。柳俊江事後發帖認衰,話衝突源於一場誤會。係音樂才女嘅雷康怡同柳俊江讀書時已認識,結婚也有十年,兩人育有一對子女。
雷康怡過去喺人前一直擺出幸福少奶奶模樣;不過人後嘅佢,似乎有唔少難言之隱。據消息人士透露,雷康怡喺今年六月曾因為同柳俊江發生家庭糾紛,仲搞到要報警,佢當時已經用「前夫」嚟形容柳俊江,事件最後更要社會福利署介入跟進。睇嚟佢同柳俊江嘅婚姻,幾個月前已出現嚴重分歧,至於要驚動到社署介入,有法律界人士話,社署一般會就「家庭事件」及「家庭暴力」兩類問題作出跟進。
柳俊江與姓儲男子經初步調查後獲准保釋候查,兩人面部及手部因揮拳互毆同告受傷,雷康怡雖然在場目擊事發經過,但佢至今未為兩男爭鬥回應半句。對於網上流傳柳俊江同太太已離婚,又稱有人涉及家暴,柳急急刪去Facebook公開帳戶。雷康怡就繼續如常生活,周日晚更喺Instagram貼上一張與音樂人梁戈華吹爉燭相,留言「與男友人慶祝生日」,相中嘅佢嘟晒嘴表情鬼馬,心情似乎絲毫未受影響,留言仲用「男友人」來形容喺樂壇都有啲名氣嘅梁戈華,更加被人覺得佢喺度影射緊柳俊江同姓儲朋友打架一事。
講番柳俊江,佢曾任職無綫新聞,一○離職後轉往愛護動物協會擔任中國及澳門外展總監,之後再轉投九龍巴士,任職社區事務經理,近年輾轉開設製作公司同網店。柳不時喺Facebook大晒同太太、子女嘅甜蜜合照,「暖男」形象令佢加分唔少。去年7.21佢因為喺網上吹雞入元朗,結果被人打至血流披面而人氣大增,佢亦食住個勢出版著作《元朗黑夜》。雷康怡當時仲力撐柳,喺網上發表「今生只嫁前線巴」愛的宣言,今年初情人節亦有貼兩公婆晒恩愛相,但之後就再冇見二人合照,兩人鬧婚變似乎有迹可尋。

同太太鬧婚變後,柳俊江喺社交媒體最後合照係喺酒店慶祝情人節。

 

柳俊江未有回應是否牽涉家暴,事發後只急急刪去Facebook公開帳戶。

 

康怡在Instagram分享與音樂人梁戈華嘅合照,並留言寫上「與男友人慶祝生日」。