為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 22 日

ViuTV《Chill Club 推介榜》繼續大方 王君馨新歌《Casada》奪季軍

王君馨成為首個打入《Chill Club 推介榜》嘅TVB人。

ViuTV嘅《Chill Club推介榜》每周為觀眾推介10首熱播本地新歌,繼上次《頭條日報》率先爆佢哋好大方畀咗由莫文蔚主唱嘅TVB劇集《飛虎之雷霆極戰》主題曲《呼吸有害》入榜,最終仲攞埋冠軍後,最近ViuTV再有大方舉動,就係第38周《Chill Club推介榜》,畀咗TVB親生女王君馨以歌手G.Racie身份自資推出嘅新歌《Casada》登上季軍位置。上次莫文蔚歌曲奪冠,話晒佢唔係TVB人,只係幫TVB劇集唱主題曲,但係今次王馨君係TVB包薪藝人,ViuTV連友台嘅親生女照樣畀佢上榜,仲攞埋季軍,唔知嚟緊會唔會大方到畀佢攞埋冠軍呢!?

君馨為咗拍新歌《Casada》MV,真係搏到盡。

第38周《Chill Club 推介榜》冠軍由ViuTV親生仔駱振偉嘅《成熟‧不了》奪得。

君馨喺《Casada》MV仲大晒舞技。

君馨剛剛忙完新劇《超能使者》拍攝。