為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 母心肝 2010 年 12 月 14 日

有喜歐倩怡 夾安仔身教大膽兒

一星期五晚都見到郭晉安於《依家有喜》扮作兒科醫生,真正有喜兩個月的「安嫂」歐倩怡(Cindy)則繼續全力照顧囝囝令山(Brad),雖然安仔就日日開工,變相陪兒子Brad仔時間減少,但Cindy笑言,安仔掛住囝囝,寧願lunch買個飯盒回家和Brad仔邊玩邊吃,把握分秒。

為了全心全意教Brad仔,Cindy當全職煮婦湊仔,即使現時因有喜朝朝嘔,但眼見兒子膽小,夫婦仍「以身犯險」,親身教兒子「大膽」的好處。

教囝囝犯險

經歷過兩次流產才懷有兒子Brad仔,Cindy與安仔對Brad仔更加疼惜,但她堅持「錫還錫卻不是縱」,其教子方法是:「我和媽咪從小就對Brad面提耳語叮嚀咁樣唔得、呢樣又唔得,令到佢好細膽,承受風險能力好低,有咩事第一時間就會躲喺我哋身後,動不動就會拍心口話『驚驚』。

「安仔就覺得我哋太縱太遷就佢至會咁,依家我哋會咩都自己做一次,示範佢知咁樣做唔危險,好安全,好似學校入面爬樓梯扮消防員,我就爬幾次畀佢睇,啊,原來好安全!老師叫大家做up side down,佢唔敢試,我就同安仔做畀佢睇先。嗱,好安全o架!咁佢先夠膽做。」

「呢張算係近照!」是,事關要求Cindy畀張最新照片,終於取得這張三人都笑容滿臉的開心照。

培養好品德

二人除了身教「犯險」,令Brad大膽嘗試之外,亦注重培育Brad仔的品格,「我同安仔都要求Brad仔有好品格,根據《聖經》準則建立正確價值觀,好似要識得同人分享要學習原諒人、唔好驕傲,對名利、金錢等等唔好睇得咁重。

「間唔中有傳媒記者哥哥姐姐突然同Brad仔影相,佢會覺得好奇怪好嬲,會發脾氣,咁我哋就會解釋佢知,攝影哥哥因為要工作至會同我哋影相,教佢要冷靜啲要笑呀,教佢建立一個正確心態同態度。」

幾個月大時的Brad仔眼仔睩睩,似足Cindy。

英文好重要

Cindy及安仔有別於圈內夫婦,並不要求兒子入讀名校,唯一要求是英文要好,「我很早入行,書讀得唔多,英文好差,工作同待人接物時發覺英文真係好重要。

「依家好多學校無論係傳統抑或國際學校都好,都要求兩文三語,我都覺得呢個係大勢所趨,原先有諗過送佢入國際學校,但又怕文化差異大,心大心細或者送佢入傳統學校,無論點中英文都好重要。」

Cindy和安仔少有讓兒子到冒險樂園等「遊樂場」遊玩,這張波波池耍樂照可算是難得了。

自安仔上周公開Cindy懷有第二胎的喜訊後,好友紛紛在其微博上道賀,包括另一位準媽媽蔡少芬。

為了湊B,Cindy連指甲也不留了。

第二胎恨女

很多人都知他們兒子較同齡小朋友遲學會走路及說話,Cindy原先頗為擔心,問過專家就安心了然,「Brad仔廿一個月至識行,問過做心理學家表妹,佢話有例子試過三歲至識行,咁樣唔算遲。」

Cindy放心後更拿兒子開玩笑,「Brad仔係巨B,依家有成32磅,加上個頭比較大,怕跌所以唔敢行囉,哈!」

最近Cindy再度懷孕,早前她接受本刊訪問時,曾經笑說:「我哋都想再生,仔女都無所謂,不過,如果係女就最好啦!」

不少傳媒都刊登過這張相,因為安仔並不主張讓兒子過度曝光,這張是 Brad仔生日時的合照。

還有兩個多月便3歲的Brad仔,甚有藝術天份,他在Cindy購買的填色冊上,大畫graffiti。

精選讀本

Cindy愛在兒子面前拿書看,兒子就會跟住拿書排排坐一起看,Cindy直言:「Brad仔最愛小小愛恩斯坦,又鍾意睇卡通頻道。」因此,連書都會揀選Little Einstein、聖誕故事等。

Cindy由出道起已經以古靈精怪見稱,至今成為媽咪後,精靈依舊。「安仔成日話Brad仔似我,其實我覺得都似佢。」Cindy夫婦均為基督教徒,故其中一本最受兒子愛好的書就是這本《兒童聖經故事》,「佢已經揭爛咗兩本,呢本已經係第三本喇。」

〈When I Grow Up!〉讓Brad仔一邊學英文一邊啟發思維。

Cindy為兒子選擇的書本全都具教育意義,「這本書有唔少掣,佢可以訓練埋手指仔㖭!」