為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 09 月 25 日

未註冊工會嗌罷工 發起人曾惡人先告狀

新巴司機日前被指危險駕駛被告上法庭,聲稱有份組織「巴士業界聯合工會」嘅九巴車長陳詠麟彈出來,號召同業齊齊罷工,力撐被捕車長。不過有人質疑呢位發起人來歷,好多工友都唔敢響應,而佢亦因為吹雞不成,求其搵個借口取消罷工了事。
一查之下,陳詠麟原來除咗係九巴車長,仲有另一身份,就係民主陣線成員。去年九月喺觀塘要求正在執法嘅便衣探員出示委任證,探員叫佢唔好「阻差辦公」,之後佢惡人先告狀,話畀警察「嚇親」,走去小額錢債審裁處入稟,向警務處處長索償一萬元,案件原定今年六月一日審訊,惟因疫情關係取消,暫未有最新排期。講番佢代表嘅「巴士業界聯合工會」,今年一月先成立,組織聲稱正向職工會登記局申請為工會,但截至九月十一日為止,仍未經職工會登記局刊憲作實。更騎呢係,工會嘅社交帳戶曾公開表示認同「光復香港.時代革命」,又以「五大訴求.缺一不可」為宗旨。

 

 

警方拘捕一名涉小不心駕駛的九巴車長(上圖右二)後,陳詠麟(下圖)即以工會發言人名義發起罷工行動。