為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 16 日

【好大膽】爆女人年齡秘密 黃庭鋒有個62歲靚媽咪

跟姊姊及姪女為媽咪切餅慶生,相中姪女冇得吹蠟燭,眼神充住憤怒射向庭鋒呀!

TVB上位小生黃庭鋒昨日喺IG貼文,上載他跟姊姊及姪女為媽咪切餅慶生相,留言:「一家都是女生,生日快樂媽媽!你是最好的!Best mum award.」相中媽咪好有貴氣,保養得宜,驟眼睇他和媽咪似兩姊弟。最搞笑相中姪女斜「啤」住庭鋒,庭鋒接受頭條日報訪問解畫說:「因為姪女好鍾意吹蠟燭,無論係咪生日都想吹,可能佢嗰刻眼神充滿住憤怒,心諗『點解呢次冇份吹?』」

32歲嘅黃庭鋒仲興奮咁爆媽媽年齡秘密:「媽媽62歲生日喇,係咪好後生,完全唔似呢?」問到媽咪生日願望,係咪想他成家立室?庭鋒就話:「呢啲睇緣份,可能佢比較想我快啲置業,不過,上車要有事業基礎,啱啱拍完劇集《超能使者》,緊接拍第5輯《香港原味道》,都希望工作陸續有來。」

有個保養得宜靚媽媽,黃庭鋒遺傳優良基因。

黃庭鋒有份訪問今年港姐,圖中係友誼小姐鄺美璇。

連Do姐都對黃庭鋒讚口不絕。

庭鋒緊接拍第5輯《香港原味道》。

庭鋒啱啱同陳展鵬等拍完劇集《超能使者》。