為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 16 日

踩入劇組演鹹豬手醫生 鍾煒喬奉旨摸「靚女」周嘉洛pat pat

昨晚一集《愛回家》講鍾煒喬演西門醫生向「金城安」及幾位大學女學生 「鹹豬手」,然後露出狼相。

TVB有唔少後生「大隻仔」型男,好似鍾煒喬(Matt)及黃庭鋒都係有學識兼有才藝系列。今日31歲牛一嘅鍾煒喬曾經係獸醫學生,亦曾同韓君婷傳過緋聞。由香港開電視轉投TVB接近兩年,主力做娛樂新聞台。最近鍾煒喬更有機會踩入劇組,昨晚播出嗰集《愛回家之開心速遞》「該孩子遠離陰暗角落」,Matt就演鹹豬手西門醫生,除咗非禮幾個大學女同學外,仲鹹豬手摸埋男扮女裝嘅「金城安」(周嘉洛)patpat。

鍾煒喬接受頭條日報訪問時說:「之前都客串過做過細角色,監製畀機會我,喺今集單元度做主角,同周嘉洛有好多對手戲。今集都落咗好多心機去做,『金城安』男扮女裝,造型幾靚女,好人羨慕我可以鹹濕到佢,其實劇中話我對好多個嚟睇醫生嘅女同學唔規矩,不過,周嘉洛係惟一個男演員,我梗係去盡啲,落力咁揸落去佢pat pat度啦!哈!佢pat pat幾彈手,唔錯。其實演醫生唔難,始終都做過獸醫,不過,今次露狼相,較猥瑣。」提到生日願望,他表示今次演戲有好多正評及鼓勵,希望日後除咗做主播外,有機會想向劇集進發。

鍾煒喬好想多啲嘗試拍電視劇。

好多人羨慕他可以鹹濕到「靚女」周嘉洛。

演醫生唔難,始終他做過獸醫。

劇中鍾煒喬奉旨非禮女演員。

鍾煒喬之前同「大小姐」合作過。

鍾煒喬有「大隻仔」稱號。

鍾煒喬當年喺香港開電視時做主播曾訪問過鞏俐,好受重用。

當日鍾煒喬曾經同韓君婷傳過緋聞。

喺TVB娛樂新聞台都訪問過人妻陳凱琳。