為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 16 日

【得狗攬住】喬嫂嫂勒令保持距離 喬寶寶話:狗係人類最嘅好朋友

喬寶寶終於返抵蘇格蘭屋企喇,不過,只得家中小狗出嚟歡迎,老婆話要同佢保持距離喎!

定居蘇格蘭嘅喬寶寶返咗嚟香港個幾月,拍完電影《時代》及中印獨立電影《我男友係好差》,賺咗一袋金後,坐咗10幾個鐘頭飛機,昨午經已安全返抵屋企「慰妻」。除咗由香港去倫敦嗰程航班全滿,要屈住坐中間,旅程總算順利,尤其倫敦轉機去蘇格蘭,班機吉位好多,坐得相當鬆動,相對寶寶冇咁悶。

由於香港旅客喺蘇格蘭唔使隔離,喬寶寶只會自我隔離。他接受頭條日報訪問時說:「大仔『印度豹』好乖,去機場車我返屋企,但保持社交距離,冇行過嚟攬我!一入屋,喬嫂嫂勒令我沖涼先,唔好掂佢呀!哈!返到屋企頭幾日都冇運行,雖然我喺香港時做咗驗測話係陰性,但喬嫂嫂話怕我喺倫敦嘅旅程瀨嘢,最好大家呢幾日休息吓喎!至於細仔就返咗學。反而嗰兩隻狗係最乖,佢哋即刻埋嚟攬我,所以話狗係人類最嘅好朋友。」

寶寶終於平安回家喇。

倫敦轉機去蘇格蘭,班機吉位好多,坐得相當鬆動。

由香港去倫敦嗰程航班全滿,要屈住坐中間,

喬寶寶大讚大仔好生性,乖到不得了。

喬嫂嫂呢個星期都會冷落喬寶寶。

喬寶寶留港期間同女神陳欣妍拍咗部中印電影。