為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 09 月 19 日

樸實尖子 范俊儉

住屋需求,各有所好,有人喜好奢華的外觀,也有人選擇實用性高的單位,財務達人范俊儉(James、尖Sir)就偏愛實而不華的居所。
投資房地產經驗豐富的尖Sir,早年投資千萬,買下薄扶林一個傳統豪宅的三房單位,
希望一家四口有更大的活動空間,單位現時已經升值至近三千萬。住於高層的他,安坐家裏,已可飽覽一望無際的海景加開揚景觀,向南樓無得輸,「由細到大,我都住開向南樓,始終覺得向南風水好,o依家買樓、租樓都要揀向南。」
單位雖然沒有豪裝,但寬敞的大廳,加十呎高樓底,足夠讓子女跑跑跳跳,就算宅在家都一樣咁Happy。

尖Sir的家擁有寬敞的大廳,足夠讓五歲囝囝在屋內踏單車。

 

間 隔 夠 實 用

本身教授財商技巧,投資有道的尖Sir,多年來買樓、換樓經驗豐富,經過千挑萬選,幾年前,他舉家搬進位於薄扶林半山一個傳統豪宅,一家四口住一千五百呎的三房單位,空間感十足。雖然屋苑樓齡達四十年,但尖Sir就是喜歡其間隔實用,樓底夠高,而且最重要的是管理費便宜。
「呢度咁大,都係二千幾蚊管理費咋,新樓呢個呎數至少要五、六千蚊。如果係租,我就會揀新樓,慳番啲管理費嘛,我就係會計呢啲數囉!其實我一向鍾意舊樓,因為實用率高、質料實淨,我哋搬入嚟之前,都係輕輕裝修兩個月就入伙。實木地板、房間衣櫃都係原裝,上手業主保養得好好,基本上就咁買啲傢俬就入嚟住,加上嗰時兩個小朋友都係得兩、三歲,唔想大搞裝修。」單位陳設簡潔,雜物不多,不過他說清潔仍很花工夫,「因為疫情關係,工人姐姐未嚟到香港,惟有請鐘點清潔,好在呢度空間夠大,小朋友留喺屋企,都有地方走動。」數全屋最煞食的,應該是海景大露台,他索性連窗簾都不安裝,隨時都可大嘆開揚海景。
「有時睇電視會有少少反光,但真係唔想浪費咗個景觀!我哋呢邊地勢高啲,可以望到貝沙灣、海灘,同埋我細個住嘅鴨脷洲,仲可以同仔女講吓古仔添,我哋一家人不時喺呢度BBQ,幾正o架!」育有一仔一女的他,兩個小朋友都開始返幼稚園,廿四孝的他就在網上買了一塊半幅牆大的磁石貼,讓子女畫個痛快。

主人房貫切簡約設計,盡量少放雜物。

 

一有時間,他就與仔女在房間講故事,享受親子樂。