慕詩國際（130）太子爺陳柏熹（Harris），去年被父親陳欽杰欽點躍升為集團的副行政總裁，他本來有一連串的大計，準備上任後大展拳腳。
可是人算不如天算，去年四月在泰國發生家居意外，被鐵架梳化壓斷兩隻腳趾，經過一輪治療後，身體更出現多種不明痛症，令他痛不欲生，一度被以為有精神病。前前後後花了逾廿萬元看精神科醫生，一年間他更暴瘦三十磅，「當時做晒所有身體檢查，都搵唔到痛嘅原因，我以為一生就咁完！有次我經過中環，心血來潮去搵番以前睇開個中醫針灸，原來係頸椎歪咗，推拿完就好番晒。」
經歷過高山低谷，從前瞓身搏盡的他，學懂放下，「我上年三月上任做CEO，但請咗成年假，交咗張最爛嘅成績表，但我有信心，我可以追番過去一年時間，待疫情過去，2021年會重新起步，到2022年集團營業額會係o依家嘅三倍。」
風雨過後，彩虹還會遠嗎?

意外腳傷，陳柏熹沒有怨天尤人，「我唔會責怪自己，點解會變成咁，因為成件事唔輪到我揀。」

壓斷兩隻腳趾

陳柏熹經過這次意外後，由過去夜夜笙歌，變成「日出而作，日入而息」的新生活，訪問這天，他精神爽利地說：「以前我晚晚做到凌晨一、兩點先至瞓，o依家我每晚九點幾就關電話，睇一陣笑劇就瞓咗。第二朝早五、六點起身，自己煮早餐，跟住帶狗落街去廁所，七點幾鐘返屋企，準備九點半同爹哋媽咪開會。」他很珍惜這看似平凡的簡單生活。
去年四月，陳柏熹偕傭人飛到泰國為自住的物業「搬屋」，期間慘被重甸甸的鐵架梳化壓斷兩隻腳趾。事發時他痛到不停大叫，身邊的傭人只是驚慌地哭，現場沒有人及時幫助他，只能靠自己，「成個走廊都係血，我叫工人快啲幫手搬起個鐵架先，我問佢哋『我無咗幾多隻腳趾？』，佢哋無人答我，我諗今次死梗，我叫佢哋快啲call救護車，佢哋問我幾號電話？我叫佢哋馬上搵管理員幫手啦！之後我暈咗十分鐘，醒番叫人俾包糖我食。」
擾攘了五十分鐘，醫院才告知他們沒有救護車，着他自行乘坐的士到醫院。經醫生診治後，立即為他兩隻腳趾縫了三十四針，他簽下生死狀便立即出院回港。休息了一個多月，他傷口突然發炎，要再次緊急入院，「嗰日我去完event，我見到隻腳由腳趾慢慢黑到上大髀，醫生話係拆漏手術線致發炎，要拆番開上次嘅傷口，搵番嗰條線出嚟。」

去年，陳柏熹大部份時間都留在家，不想見人，就算父親陳欽杰、母親徐巧嬌生日，他都只是短暫出現一陣，拍照後就離開。

陳柏熹和妹妹陳蕾安，自小被父母錫到燶，小時候常常家庭樂，每到假日便一家人外出食大餐。