為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 12 日

【64歲冥壽】發文表達對哥哥無盡思念 唐唐:分開也像同渡過

今日係張國榮(哥哥)64歲冥壽,生前一直守護住哥哥嘅摯愛唐鶴德(唐唐),一如往年,今年都有喺社交網站發文懷念哥哥。今日踏正零時,唐唐上載一張哥哥從未曝過光嘅生日舊照同fans分享,仲引用哥哥經典歌《共同渡過》歌詞留言:「分開也像同渡過... ...生日快樂」從而對哥哥表達無盡的思念。

 

生日舊相應該攝於98年哥哥嘅私人生日會上,壽星哥哥着住白恤衫襯黑色西褲,風度翩翩,切完滿佈公仔嘅巨型生日蛋糕,笑容滿面,似乎好滿意朋友為他嘅精心安排。

 

各地哥迷多謝唐唐分享相片同時,留言祝天上哥哥生日快樂,承諾繼續寵愛哥哥,也祝唐鶴德健康快樂,叮囑他要好好保重。另外,古巨基、戴夢夢等都有放相懷念哥哥,古巨基放「歐陽鋒」造型相,簡單寫上:「生日快樂!」網民留言「型到裂」、「永恆明星」、「想念哥哥」。而戴夢夢凌晨聽到環球唱片重製哥哥的永恆金曲《春夏秋冬》,有感而發留言:「啱啱係收音機聽到嘅呢一把聲音,從未曝光嘅遺珠錄音,全新嘅編曲,我喊咗出嚟,多謝你,REVISIT #春夏秋冬#Gary哥」

 

 

唐唐過往都有分享哥哥的生日會照片。

 

唐唐也時常分享同哥哥甜蜜合照。

 

 

 

各地哥迷多謝唐唐分享相片同時,留言祝天上哥哥生日快樂,承諾繼續寵愛哥哥,也祝唐鶴德健康快樂,叮囑他要好好保重。

 

今年哥哥生日,唐唐送上年哥哥私人生日會上從未曝光過嘅靚相,留言:「分開也像同渡過... ...生日快樂」。