為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 11 日

【老婆病情反覆】試免疫細胞治療法 林子博帶老婆赴台搏一鋪

 

林子博係顧家好男人,透露太太在台灣找到免疫細胞治療,就算拍緊真人騷都會隨時會出發。

林子博為香港開電視主持真人騷《大叔要變身》,日前聯同主持人鄺芷凡(Omi)齊齊向排舞師Sunny Wong拜師學藝。原來子博的女兒是Sunny Wong的徒弟,子博笑道:「如果我今日拜埋師,咪變咗係我個女個師弟囉?好奇怪呀!」

子博指女兒醉心跳舞,他不但會為女兒擔任跳舞攝影師,還會陪跳。子博說:「佢會捉埋我跳o架,如果我唔跳,佢會覺得呢個阿爸咁『娘』、咁脫節o架,為咗同個女無隔膜,我咪跳埋一份囉!」

談到老婆Shirley病情反覆,而香港的主流治療已經沒有任何對策,子博透露說:「我哋在台灣搵到一種免疫細胞治療,o依家等緊台灣通知,佢哋一話OK,我就即刻帶老婆飛過去!」

鄺芷凡則謂本來雄心壯志要鍛鍊身體,殊不知第三波疫情殺到,所有健身室關門避疫,令她欲健身無從。Omi笑道:「o依家健身室開返,我已經變成『豬油膏』啦!」Sunny Wong對排舞室可以重開感到高興,更加期望演唱會可以復辦,畀所有待業的舞者能重返舞台工作。

Shirley病情反覆,不時入醫院。

節目中林子博和鄺芷凡向排舞師Sunny Wong拜師學藝。

林子博為拍真騷減肥。