為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 09 月 09 日

【好兄弟】為永遠好大佬黃日華慶生 張兆輝獲讚有情有義

張兆輝及黃日華互相扶持,被網民大讚係有情有義嘅好兄弟。

9月4日係黃日華59歲生日,雖然剛喪偶,但得愛女黃芷晴相依為命,悉心照顧,華哥漸漸走出傷痛,展露些少笑容。之前華哥獲女兒黃芷晴送上蛋糕慶生後,日前輪到相識幾十年嘅老友張兆輝及朋友齊齊接力為他慶祝,不過,喺疫情及禁制令下,只係留喺屋企簡單食餐飯。

昨日張兆輝喺社交網上載圖文,窩心留言:「人生經歷過才知,陪你走過高低的才是真朋友,我的大佬你陪我走過低谷,你對我的好,我永遠在心中,今年你生日不敢大聲說生日快樂、但我希望你健康、事事順利度過你的每一天,你開心,我也開心,你永遠是我的好大佬。」唔少網民祝華哥健康、快樂,仲大讚他有班有情有義嘅好兄弟,輝哥好嘢!

輝哥和友人喺華哥屋企,低調簡單食餐飯慶生。

之前華哥去練波時巧遇吳岱融,他見返朋友即面帶笑容。

黃日華捧着愛女為自己準備的足球生日蛋糕笑逐顏開;而牆上還看到有兩幅已故太太梁潔華的馬賽克作品。

華哥和女兒相依為命。

梁潔華生前和黃日華相當恩愛,兩公婆共度每個佳節。

三哥苗僑偉都讚輝哥有情有義。