為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 09 月 11 日

「三權分立」風波 書商收退書蝕入肉

新學年開學無耐,因為「三權分立」嘅討論惹起風波,唔少中小學校長擔心通識同常識科嘅教科書內容唔多啱用,就算訂好晒書都紛紛要求退書。有書商直言近日收到退書多達五、六萬本,以每本二百多元計,捐失十多萬元。
忽然被大批退書,部分書商大歎無奈:「早前政府落實《國歌法》同《港區國安法》,已經要將相關嘅教科書作出修改,加入新元素。現時又來個『三權分立』風波,又要搵專家重新編寫過內容然後再印過。咁搞法,我哋焗住硬食,呢次真係血本無歸。」
據悉有書商感到無所適從,正徵詢法律意見,研究是否提出司法覆核。不過告唔告得成都係後話,退書已成事實,「成批退書好難再重用,隨時要拎去堆填區,極之唔環保。」
香港學校其實有權自主決定是否採用通識課本,大部分學校將教材視為參考用書,教師多數傾向自備教材授課。不過喺反修例風波下,部分議題易觸及「紅線」,唔少前線教師擔心教材被投訴,所以傾向轉用教科書,現在學校要退書的話,老師揀教材上課就要更加小心。

部分通識及常識科教科書可能需再次修訂內容。

 

教育局局長楊潤雄認為政治體制應以《基本法》為準,不能簡單以「三權分立」形容。