為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 09 月 06 日

炮台山店換新名 「龍門冰室」疑避撞名

曾經係「黃店」龍頭之一「龍門冰室」(同系食店包括「瓏門冰室」),負責人張俊傑早前聲稱因為遭同路人批鬥,宣布退出黃色經濟圈。當外界以為佢「收山」唔玩之際,有傳佢近日將炮台山嘅餐廳改名為「Lennon Cafe」,呢排靜悄悄試業。
本刊日前到炮台山店查看,發現門外「龍門冰室」嘅招牌已蓋上紅紙,櫥窗有一塊小牌寫上「Lennon Cafe」。不過「Lennon Cafe」相當神秘,我哋查過商業同公司登記,均未有資料,股東名單耐人尋味。不過「龍門冰室」近日喺社交媒體Facebook聲稱已邀請一位金茶王Nelson加盟「瓏門冰室」,第一個任務係為炮台山間 「Lennon Cafe」訓練員工,教佢哋沖奶茶,難怪業界盛傳「Lennon Cafe」同「龍門冰室」背後係同一班股東。
如果呢個講法係真,何解「龍門」要易名?有指負責人張俊傑旗下嘅「龍門冰室」一直同富臨集團旗下嘅「龍門冰室」撞名,早前亦多次爆出有網民去錯地方,張索性將旗下冰室易名。此外,亦有指「龍門」個朵在黃圈太受非議,索性改名重新嚟過。

 

 

「龍門冰室」喺炮台山間分店近日將招牌貼上紅紙,櫥窗外卻掛上新店名「 Lennon Cafe」

 

張俊傑對「龍門」是否易名一事不作回應。